«БАЛАЛАР STANDUP АКАДЕМИЯСЕ»НӘ ГАРИЗА БИРҮ КАМПАНИЯСЕ БАШЛАНДЫ

«Балалар StandUp академиясе» иҗади проектында катнашу өчен гариза бирү кампаниясе башланды. Аның аша Яр Чаллыда беренче яшь стендаперлар җәмгыяте төзеләчәк. Катнашуга 14-17 яшьлек яшүсмерләрне чакыралар.

Очрашулар һәм остаханәләр вакытында балалар актерлык осталыгы һәм ораторлык сәнгате үзенчәлекләре белән җентекләп танышачаклар, шулай ук сәхнәдә үз стендаплары белән чыгыш ясый алачаклар.

Остаханәләрне чакырылган спикерлар, Stand-Up клублары резидентлары һәм ораторлык һәм сәхнә осталыгы буенча тренерлар үткәрәчәк. Проектның финалы буларак бу елның мартында Яр Чаллыда беренче яшьләр стендап-фестивале узачак. Катнашучыларга гаризаны биредә тутырып калдырырга кирәк.

«StandUp Балалар академиясе» проекты Чаллы шәһәре Мэры стипендиаты Эдуард Бушуров тарафыннан Росмолодежь ярдәме белән гамәлгә ашырыла.