Балачакны 21 яшькә кадәр озайтмакчылар

Тиздән Россиядә балачак 18 түгел, ә 21 яшькә кадәр озайтылырга мөмкин. Хәзерге вакытта Россия Сәламәтлек саклау министрлыгында шул турыда сөйләшүләр бара.

Беренче чиратта, бу үзгәреш спиртлы эчемлекләрне һәм тәмәкене 21 яшькә кадәр куллануны тыю белән бәйле. Әгәр яшь буында зарарлы гадәтләрдән арынса, димәк, алардан туган сабыйлар да сәламәт булачак, дип аңлата РФ Сәламәтлекне саклау министры урынбасары Татьяна Яковлева.