Бөек Ватан сугышы ветераннарына бушлай юридик ярдәм күрсәтелә

Җиңүнең 72нче язын каршылаганда, Татарстанның Юстиция министрлыгы тарафыннан бушлай юридик ярдәм күрсәтү оештыра. Ул Бөек Ватан сугышы ветераннары, аларның гаилә әгъзаларына кагыла.

Чарада пенсия фонды; салым; теркәү, кадастр, картография федераль хезмәте вәкилләре катнашачак. Шулай ук Хезмәт, мәшгүльлек һәм социаль яклау, Юстиция, Сәламәтлек саклау, Җир һәм мөлкәт мөнәсәбәтләре, Төзелеш, архитектура һәм торак-коммуналь хуҗалык министрлыклары белгечләре, адвокатлар, юристлар булыр, дип көтелә.

Юридик ярдәм Халыклар дуслыгы йортында (Павлюхин урамы, 57, 1нче корпус) 10.00-13.00 аралыгында күрсәтеләчәк. Анда 4, 5, 25, 43, 68, 71, 77нче номерлы автобуслар белән (“Павлюхин” тукталышына кадәр) килеп җитеп була.