Артист булам, Табаковта укыйм, дисәң!

Артист булырга теләүчеләргә ишекләр ноябрьдә үк ачыла. Олег Табаковның Мәскәү театр көллияте абитуриентларны сайлап алу туры уздыра. Аның беренче этабы Казанда 25 ноябрьдә «Азино» Балалар иҗат үзәгендә уза.

Укучыларны имтиханда Россиянең танылган артистлары сынаячак. Алар булачак абитуриентларның потенциаль мөмкинлекләрен бәяли. Артист булырга теләүчеләргә:

• шигырь


• мәсәл


• прозадан өзекне яттан сөйләргә


• җырларга


• ритмика буенча биремне үтәргә кирәк була.

Беренче турны уңышлы үткәннәр Мәскәүгә сайлап алуның йомгаклау имтиханына чакырылачак.
Көллияттә Россиянең бөтен төбәкләреннән укучылар укыячак. Шуңа күрә алар дәүләт тәэмин итә торган пансионда яшәячәк.

Нәрсә: Олег Табаковның Мәскәү театр көллиятенә абитуриентларны сайлап алу туры
Кайда: Казан, Ломжа урамы, 6а
Кайчан: 25 ноябрь
Язылу өчен телефон: 8(927) 403-74-77 (13:00 – 17:00 аралыгында).