АЛТЫДАН СОҢ АШАУ: ГОРЬКИЙ ПАРКЫНДА ТӨНГЕ ГАСТРОМАРКЕТ УЗА

21 июльдә Казанның Горький паркында беренче тапкыр төнге гастромаркет узачак. Чарага 20.00 сәгатьтән 00.00 сәгатькә кадәр барырга мөмкин булачак, дип хәбәр итә шәһәр парклары һәм скверлары дирекциясенең матбугат хезмәте.

Төнге гастромаркет кунакларын төрле рестораннардан һәм фудтраклардан ризык белән эчемлекләр көтәчәк. Программага шулай ук диджей-сетлар, өстәл теннисы турниры, фотобудкада фотолар ясау һәм интерактивлар кергән.