16 МИЛЛИОН – КАЯ КУЕП БЕТЕРӘСЕ...

Казан бухгалтеры Олеся Хасанова лотореяда 16 миллионга якын акча откан. Ул акчаның күпмедер өлешен гаиләсе белән сәяхәткә, ә калганын ике катлы йорт төзүгә тотарга җыенуын белдергән.

"Саннарны очраклы рәвештә сайладым. Әле ярый шулай иткәнмен! Интуициям мине алдамаган" - дип шатлыгы белән уртаклаша Олеся. Ә менә бу хәбәр астындагы комментарийларда төрле фикерләр бар: кемнәрдер моны әкият, СтоЛотога реклама ди, икенчеләр шулкадәр акчаны сәяхәт һәм йорт төзүгә тотып бетерү ахмаклык, дип белдерә. Янәсе, 7% белән банкка гына салып куйсаң да, ай саен дисләрчә мең өстәмә акча килеп торыр иде...