«КЫЗЛАР МЫЕГЫН ТӨНЛӘ КЫРА»

Песи яки эт. Блондинка яки брюнетка. Дарвин теориясе яки дин. Стив Джобс яки Билл Гейтс. Дөнья, асылда, бәхәскә корылган. Хәтта атомдагы электрон белән протон да бер-берсе белән каршылыклы мөнәсәбәттә тора. Шуңа күрә, дөрес итеп бәхәсләшә белү бик тә, бик тә мөһим . Бүген безнең «Сират күпере»ндә татарның иң танылган кара-каршы торучылары – Римма Бикмөхәммәтова һәм Альберт Шакиров. Алар сезне дөрес бәхәсләшергә өйрәтәчәк.

Ләкин башта аларны бераз «кытыклап» алыйк.

Яхшы полицейскийначар полицейскийга бүленеш сездә ничек чагыла? Кайсыгыз яхшысы? Бер-берегезгә чынлап та кара-каршымы сез?

Римма: Мин ‒ корбан!

Альберт: Мин объектив полицейский, ә Римма ‒ усал.

Р: Мин аның корбаны, аның сүзләренә алдандым, тапшыруны алып барырга ризалаштым...

А: Матурлык корбанымы?

Р: Матурлык корбаны да. Альберттан калышмаска кирәк...

Бер-берегез белән бәхәсләшү сезгә авыр биреләме?

А: Әйе, чөнки икебез ике төрле өлкә кешесе. Римма татар яшьләре белән күбрәк аралаша, бүгенге татар зыялыларын яхшырак белә. Бу өлкәне алай әйбәт белмәгәч, миңа еш кына аргументлар китерү кыен. Башта чынлап та бер-беребезгә кара-каршы идек. Ә аннары, бер-беребезне яхшырак белә башлагач, партнёрлык барлыкка килде.

Сез кемнең кайсы фикер яклы икәнлеген алдан билгеләп куясызмы?

Р: Башта шулай итә идек, ләкин күпчелек очракта тапшыру экспромт килеп чыга, анда кемнең кайсы фикер тарафдары булуын алдан билгеләп булмый. Бер тапшыру кысаларында да фикер алышынырга мөмкин. Безгә тапшыруның режиссёры Зөлфия Әсәдуллина да юнәлеш бирә, дөрес агымга көйли, нәрсәдер килеп чыкмаса да, дәртләндерә.

Биш уртак һәм биш аермалы ягыгыз...

Уртак яклар: 1 ‒ икебез дә авылдан; 2 ‒ күп сөйләшәбез; 3 ‒ икебез дә киребеткән; 4 ‒ игътибар үзәгендә булырга яратабыз, юкса телевидениедә нишләп йөрер идек; 5 ‒ кешене уңайсыз хәлдә калдыра торган сораулар бирүдән тәм табабыз.

Аермалы яклар: А: Римма тырыш, мин ялкау; Р: Альбертның татарчасы яхшырак, аның теле телгә йокмый.

Бер-берегездәге нинди сыйфатларны күралмыйсыз?

Р: Альберт эшен соңгы минуткача суза, соңга калу гадәте дә бар. Җаваплылыкка җиңелрәк карый. Гадәттә, андый кешеләрне җенем сөйми һәм менә нәкъ шундый сыйфатлысын китереп бирде Ходай.

А: Бер генә сыйфатын – син дөрестән дә гаепле булган очракта, ул шундый итеп төрттерә белә, әллә нишләп китәсең, гаебеңне танырга гына кала. Әмма «Альберт, син гаепле» дип ачыктан-ачык ярып салмый бит ул, сүзен әллә каян ерактан башлый да читләтеп әйтүләр, метафоралар белән булган проблемага китереп чыгара.

Бер-берегезне нинди хайванга охшатасыз?

А: Римма песигә охшаган. Тапшыруны телевизордан караганда, мин аның күзләрен песинекенә охшатам.

Р: Иң яратмаган хайваным – песи! Альбертның үзен каймак ашаган  эре мәчегә охшатыр идем. Ләкин кайчак вәкарьле юлбарыска да охшап китә. Ул да бит юкка ырылдамый, җикерми, кирәк булганда гына тешләрен күрсәтеп ала.

А:  Икебез дә шул бер мәчеләр гаиләсеннән инде.

XX гасыр башында, инкыйлаб чорында яшәсәгез, Колчак армиясе тарафында сугышыр идегезме, әллә Кызыл армия ягындамы?

Р. Ой, мин, татар буларак, сакланырга тырышып, гел читтәрәк йөрер идем. Тегесе дә безнеке түгел, бусы да. Гел сакланып, башкаларны да кушылмаска, газиз башны бары татар идеясен тормышка ашырыр өчен генә кулланырга өндәп йөрер идем.

А:  Ә мин Колчак армиясендә булыр идем. Ул инкыйлаб никадәр кешенең башын кискән бит. Ә Колчак, күп кенә милләттәшләребезнең башына җитсә дә, барыбер кешеләргә юл куярга, төрле милләтләрнең фикеренә колак салырга тырышкан. Татар зыялылары аңа тик торганнан гына мөрәҗәгать итмәс иде. Аның эзеннән барыр идем, чөнки ул зыялы, акыллы кеше, үзе белмәгән өлкәләргә тыгылмаган, чын адмирал. Инкыйлаб ясаган кешеләрне яратмыйм, мин ‒ консерватор.

Сез яраткан тискәре персонаж?

Р: Пеппи озын оек. Татар әдәбиятына килсәк... Шүрәлене тискәре дип йөртүләре белән килешмим, мин аны Туфан аганың «Җанкисәккәем»ендәге хыялый, самими килешендә кабул итәм.

А: «Люди Икс»тагы Магнето ошый. Убырлы карчыкны яратам. Шул ук авыл әбие, бары тик урманда яши һәм бераз гына сәеррәк.

Нигә Рим әтисе бар, ә Рим әнисе юк?

А: Бу католик чиркәвенең үзенчәлекләре белән бәйле. Рим әтисе дигән сүз чынлыкта юк, Рим папасы бар, папа ул ‒ титул. Тәхеттә хатын-кыз утырса да, ул барыбер папа дип аталыр иде.

Р: Рим «папа»лары хатын-кызларны яратмаганнар, шуңа күрә «мама»ларны якын китертмәгәннәр, тегеләре дә оешып бетмәгән...

Ничә яшьтән транспортта олы кешеләргә урын бирмәскә була?

А: 125 яшьтән башласаң була!

Р: Үз машинаңда йөри башлагач.

Язын кошлар кайта, ә Карлсон кайтмый. Нигә?

Р: Карлсон китеп тә тормый бит ул, һаман шул түбәсендә яши бирә. Ләкин Татарстанда ул юк бугай.

А: Ул ‒ һәрберебезнең баш түбәсендә. Минемчә, Карлсонга кайдадыр күбрәк варенье бирәләр, шуңа кайтмый ул. Гап-гади конкуренция.

Ни өчен ат дагалаганда бака ботын кыстырмый?

Р: Боты бәләкәй булганга.

А: Чөнки ботны түгел, тоякны дагалыйлар.

Бөдрә чәчле кешеләрнең чәчләре нигә бөдрә?

А: Дымлылык югары булгангадыр, минеке шуңа бөдрәләнә.

Р: Ммм... тәмле бөдрәшкәләр ашаганга!

Тукай һәйкәле ни өчен җәй көне дә салкын була?

Р: Кайсысы? Мәсәлән, Опера театры янындагысына кояш нурлары төшми – шуңа...

А: Халык игътибары җитмәгәнгәдер. Тукайга бит исән чагында игътибар, дөресрәге, чын-чынлап ярату, җылылык җитмәгән. Әйе, анда гел чәчәкләр, янына кеше җыела. Әмма чын ярату – чәчәк китерү, сүзләр генә түгел бит...

Р: Бәлки, Тукай ятим бала булып үскәнгәдер. Безгә рәнҗеп, үпкәләп китмәдеме икән ул? Җылыта, исән чагында тиеш булганча олылый, кадерли алмаганыбыз өчен.

Ни өчен кайбер кешеләр Аня Горенконы татар дип саный?

А: Чөнки ул керәшен.

Р: Белмим, кем соң ул? Аны син белергә тиеш, Альберт, мин татарлар арасында гына йөрим бит.

Җавап: Аня Горенко – Анна Ахматованың рәсми исеме, ул чыгышы буенча татар.

Ни өчен хатын-кызда мыек үсми?

А: Миңа калса, алар төнлә аны кыралар. Болай үсә ул.

Р: Хатын-кызның мыегы чәчләре арасына яшеренгән.

Күке йомыркаларын нигә чит ояга сала?

Р: Ул үзен проблемалардан азат итәр өчен шундый җиңел юл сайлаган.

А: Күке җүләр, ул ана капиталы турында ишетеп белми.

Ә сез күке урынында булсагыз, алай эшләр идегезме?

Р: Андый җилбәзәклек татарга хас түгел. Бала җанлы безнең халык. Мин йомыркаларымны читкә ташлап калдырмас идем.

А: Минем уйлавымча, бүген күкеләр җитәрлек. Без балалар белән, кызганычка каршы, 3-4 ел гына утырабыз, аннары алар балалар бакчасына китә. Йә әби-бабасына калдырып, үзебез көн-төн эшләп, кичен генә күрәбез үзләрен. Шулай итеп, газиз балаң башкалар, еш кына бөтенләй чит кешеләр тәрбиясендә үсә. Без ‒ күкеләр җәмгыяте.

Ләйсән яңгырны ни өчен ләйсән диләр?

Р: Ләйсән исемле кызларның күбесе «оча торган», романтик бит, мин белгән Ләйсәннәрнең барысы да шигырь яза... Яңгыр да шундый – җиңел, якты... бик тәңгәл исем.

А: Мин дә зөлфия яңгыр дигән төшенчә белән килешмәс идем.

Ләкләк чирләп киткән ди. Балаларны кем ташыр?

Р: Ана бүре.

А: Татар балаларын барс ташырга тиеш.

 

СПРАВКА

Кара-каршы

Тест

кызыл төс – Альберт

яшел төс ‒ Римма

  1. Җирне нәрсә тотып тора?



  • өч кит;

  • мәхәббәт;

  • буравчик кануны;

  • сезнең вариант: Аллаһы Тәгалә һәм аның мәхәббәте


Гравитация бугай, ләкин чынлыкта «б» варианты

 

  1. Монафикъ сүзе нәрсәне аңлата:



  • милләтче;

  • христиан дине рухание;

  • Мона Лизага табынучы;

  • сезнең вариант: Монафикъбануның ире


 фәнни хезмәт язып караган юк, белмим

3.Бәти – ул нәрсә?

  • беткә назлап эндәшү;

  • кечкенә ботинка;

  • батя сүзенең татарча яңгырашы, бик зур әти дигән сүз;

  • сезнең вариант: Бәләкәй матур кәҗәкәйгә эндәшү сүзе


   Кечкенә сарык

  1. Шүрәле шампуньнең нинди төрен куллана:



  • майлы чәчләр өчен;

  • коры һәм сынучан чәчләр өчен;

  • чәчне күпертә торганын;

  • сезнең вариант: «Нәфис косметикс» җитештергән «Ак каен» шампуне һәм «Гөлҗиһан» сабыны.


«С эффектом восстановления роговицы» дигәнне J  Ә, роговица күздә бит ул... әллә юк... түгел, ялтыравыклы мөгез өчен... уф, буталдым...

[gallery size="medium" ids="2452,2454,2453,2455,2456"]

Нравится
Комментарии (0)
Осталось символов:
Шәп укыла
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2267
    1
    29
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    2003
    0
    15
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1964
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1865
    2
    24
  • 13 октябрь 2019 - 16:16
    ТУГАННАР Хәрби хезмәтнең ярты срогын диярлек бер кисәтү-искәрмәсез үтәгән Айратны часть командиры үзенә чакырып алды. “Рядовой Галимов, менә сиңа чираттан тыш ялга приказ. Вакытында килеп җит”,- дип искәртте. Туган өенә кайтып килергә бик өметләнсә дә, егет бу мәсьәлә болай тиз генә чишелер дип көтмәгән иде. Әнә, хезмәткә аннан алда алынган иптәшләренең дә кайберсе әле ялга кайтмаган.
    1642
    1
    34

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    207
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    273
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019