«КӨТӘМ СИНЕ...»

22, 23 һәм 24 апрельдә Г.Камал исемендәге Татар дәүләт Академия театрында Илгиз Зәйниевның “Көтәм сине...” спектакленең премьерасы булды. Спектакльнең рәссамы – Геннадий Скоморохов. Композиторы – Эльмир Низамов.
Театр тәнкыйтьчесе, Камал театрының әдәби бүлек мөдире Нияз Игъламов фикеренчә, спектакльнең уңышы яшь рәссам Геннадий Скоморохов иҗат иткән сәхнә бизәлеше белән турыдан-туры бәйле. «Рәссамның пьесаны игътибар белән укыганлыгын, аны анализлаганлыгын, чишелеш тапканлыгын күрү һәрвакыт шатландыра. Декорацияләрдән чисталык бөркелә, авырлы хатыннар ята торган палата нәкъ шундый булырга тиеш тә. Ә булачак әниләр өстендә эленеп торган бераз уңайсызлык тудыручы, су һәм бала уенчыклары салынган үтәкүренмәле ванналар йөк метафорасын тудыра – бала туу бит ул бәхет кенә түгел, ә җаваплылык та. Костюмнар шулай ук уңышлы сайланган. Спектакльнең сәнгатьчә бизәлеше пьесаның эчтәлеген, атмосферасын һәм хәтта жанрын ачарга ярдәм итә», - ди Нияз Игъламов.
Композитор Эльмир Низамов Илгиз Зәйниев белән бергә эшләү бик кызыклы булды ди. «Берьяктан Илгиз үзенең ни теләгәнен белүче, бик таләпчән режиссер булса, икенче яктан ул иҗат иркенлеге бирә, ә бу иҗат кешесе өчен бик мөһим. Спектакльнең музыкасын мин бөтен күңелемне биреп яздым. Тамашачы моны бәяләр дип өметләнәм», - ди Эльмир Низамов.
Иң мөһим һәм кызыклы язмаларны Татмедиа Telegram-каналында укыгыз
-
3 апрель 2021 - 16:45ЭРЕМЧЕКЛЕ-БАНАНЛЫ ДЕСЕРТ Хәзер бергәләп эремчекле-бананлы десерт әзерлибез. Ул иртәнге ашка да, кичке ашка да шәп кенә булачак.
-
10 апрель 2021 - 10:33ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
-
19 апрель 2021 - 22:01
-
16 апрель 2021 - 16:08
-
15 апрель 2021 - 16:18
-
13 апрель 2021 - 16:27