ТЕАТР ЯЛКАУ АРТИСТНЫ ЯРАТМЫЙ

Һәрбер кеше үзенең хис-тойгыларын төрлечә күрсәтә: кемдер җырлый, кемдер шул җырларны яза, кемдер аякларыннан очкыннар чыгара-чыгара бии... Театрга сәләтле балалар да була. Кыскасы, кешене сәнгать үстерә. Ә кеше балачагыннан ук сәнгатькә якынайса, ул инде аның тормышыннан юкка чыкмас.

Мин үзем дә Роза Нургатовна Ибәтова җитәкчелегендәге "Нур" татар-милли театр түгәрәгенә йөрдем. "Әгәр мин укучыларыма уйланырга ризык бирсәм, алар минем дәресләремнән файдалы нәрсә дә булса алсалар, үземнең тикмәгә генә яшәмәгәнемне, бәхетле кеше икәнлегемне аңлыйм", - ди ул. Кайчандыр "Нур" театр түгәрәгенә йөргән балалар арасында күбесе тормышларын сәхнә белән бәйләде.

Шуларның берсе - Г.Камал исемендәге Татар дәүләт академия театрының яшь актеры Артур Шәйдуллин. Артур бүгенге көндә театрның күпчелек спектакльләрендә уйный: «Бию пәриендә» төп рөлләрнең берсе - Сәйдәш , «Миркәй белән Айсылуда» - тискәре герой Зәмир Дәүлие, «Хуҗа Насретдинда» - кәмит Хаммат, «Бабайлар чуагында» - мөлаем Ален һәм «Көтәм синедә» ихлас Кәрим. Күргәнебезчә, Артур төрле образларда уйный, ә артист булу, гомумән, ничек икән соң ул?



- Артур абый, мәктәптәге театр түгәрәгенә йөргәндә, киләчәктә үзеңне сәхнәдә күрә идеңме?

- Әйе, мин мәктәптә инде беренче сыйныфтан ук театр түгәрәгенә йөрдем. Язмыш мине театр белән бәйләде. Мин үземне төрле яктан да күрсәтергә омтылдым. Камал театрына эләгергә хыялланган идем, тик 11нче сыйныфта каршылыклар булды: театрда акча юк, дигән уй пошындырды. Ничек тормыш итәсе булыр икән, дигән уй. Мактанып әйтүем түгел, әмма мәктәпне тәмамлап җиде ел узды, мин хәзер - Камал артисты. Хыялым чынга ашты. Шөкер, ач та яшәмибез.

- Нинди жанрдагы рольләрне күбрәк якын итәсең, ниндидер берәр рольне башкарырга хыялың бармы?

- Бөтен жанрларда да уйнарга яратам. Минемчә, актер бар жанрда да уйный белергә тиеш. Ә хыялдагы рольгә килгәндә, Рудольф Нуриевны уйнарга телим, яки берәр аждаһаны.

- Өлкән буын актерлары киңәшләр бирәләрме, ярдәм итәләрме?

- Өлкән артистлар һәрвакыт киңәш бирәләр. Алар күп күргән, күпне белә торган кешеләр. Мин ул киңшләргә колак салырга тырышам.

- Ә үзең хәзер театр осталыгына өйрәнүче балаларга, синең кебек зур сәхнәдә уйнарга хыялланучыларга нинди киңәш бирер идең?

- Киләчәк буынга киңәшем: тырышыгыз, тырышыгыз, тырышыгыз... Бу һөнәрне сайласагыз, ярата белсәң генә эшләп була. Театр ялкау артистны яратмый.





Айсылу Хафизова

Фотолар Артур Шәйдуллин архивыннан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4323
    0
    82
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3589
    0
    32
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3446
    0
    33

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019