ЯШЬЛӘР 33 МИЛЛИОН СУМНЫ КАЯ КУЯЧАК?

Татарстанныкылар кабаттан кесәләрен калынайта. Бу юлы – миллионнар белән. Ти-и-и-ик... бу акчаларны үз кесәңә түгел, ә социаль проектларны тормышка ашыру өчен тотарга кирәк булачак!

Татарстанның 50 проекты Россия Президенты грантларын алу конкурсында җиңүгә ирешкән. Аларның 32се балалар һәм яшьләргә ярдәм күрсәтүгә юнәлтелгән. Татарстанга бүлеп биреләчәк грантларның гомуми суммасы – 60 миллион 262 мең сум. Ә яшьләр проектларына тапшырылачак грантлар шуның яртысын – 33 миллион 313 мең сум.

Нинди проект ничә миллион алуга ирешкән?

2 964 240 сум – “Сугышта сугыштагы кебек” хәрби-патриотик проекты

Аның төп идеясе – Татарстанда Яшьләр хәрби-тарихи үзәген булдыру һәм үстерү. Мәктәп укчылары, кадет сыйныфлары, эзтабар отрядлары, патриотик клублар – кимендә 200 кеше аның әгъзасы булачак. Бирегә Россиянең хәрби тарихын тирәнтен өйрәнгән, хәрби-тарихи эшнең заманча методларына төшенергә теләгән кешеләр сайлап алыначак. Биредә егет-кызларны моңа кадәр шушы юнәлештә махсус белем алган яшьләр өйрәтәчәк.

1 137 896 сум – Флүс Латыйфи исемендәге  «Сәләткә нур булган йолдызлар» әдәби проекты

Бу – әдәби иҗат юнәлешендә сәләтле балалар һәм яшьләрне барлау, аларга ярдәм күрсәтүгә багышланган проект. Әлеге проектта  яшьләр әдәби әсәрләр иҗат итә. Шушы проект тормышка ашырыла башлаганнан бирле, анда меңнән артык кеше катнашкан. Араларында танылган шагыйрьләр дә бар.

498 455 сум – “Россиянең үзенчәлекле театрлары” проекты

Бу – «Э-моция» иҗади инклюзив театры проекты. Аның дәвамында Россиянең үзенчәлекле театрларын (инклюзив, интеграцияләнгән һәм башкалар) берләштергән интернет-портал булдырырга җыеналар. Әлеге сайтта Россиянең мондый театрлары каталогы булдырылачак. Шулай ук алар турында мәгълүмат, спектакльләр афишалары, фестивальләр һәм башка вакыйгалар белән танышып булачак. Әлеге портал төрле төбәкләрдәге театрларның үзара мәгълүмати алмашуына ярдәм итәчәк.

Белешмә:

Барлыгы бәйгегә 9308 проект кабул ителгән. Авторлар арасында кечкенә авыл һәм шәһәр җирлекләреннән булганнар да күп. Президент грантлары конкурсы тарихында беренче тапкыр грант акчалары ел башында ук биреләчәк. Проеткларны 1 марттан ук тормышка ашырырга мөмкин булачак. Чиратта – Президент грантларының икенче конкурсы. Аңа 31 мартка кадәр гариза тапшырып була.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2489
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2323
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1970
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019