ХЕЛЛОУИНДА КАРАР ӨЧЕН 6 ФИЛЬМ/МУЛЬТФИЛЬМ!

Көзен дөньяда иң популяр һәм көтелгән бәйрәмнәрнең берсе – Хеллоуин. Без аның бөтен ямен тояр өчен һичшиксез карарга кирәк булган фильмнар һәм мультфильмнар исемлеген төзедек. 

1. «Монстры на каникулах» 6+

Әлеге 4 өлештән торган мультфильм бик күңелле вампирлар гаиләсе, кешеләр һәм башка монстрлар турында. Дуслар белән бергәләп карар өчен шәп вариант!

2.  «Фокус-покус» 6+ 

Бу фильм апалы-сеңелле убырлы Сандерсоннар тормышын сурәтли. Аларны учакта яндыралар, ләкин алар кире кайтырга вәгъдә итәләр. Фильм 90 нчы елларда төшерелсә дә, үзенең актуальлеген югалтмый. Гаилә белән карау өчен дә бик шәп вариант!

3. «Каролина в стране кошмаров» 6+ 

Каролина исемле кызга әти-әнисе тиешле игътибар бирми башлый. Әмма ул башка дөньяга юл таба. Анда аны бөтенләй бүтән әти-әнисе көтә, ләкин барысы да шулай гадиме икән?

4. «Ведьмы» 12+ 

Бу фильм әти-әнисен югалтып, әбисе тәрбиясендә яшәүче малай турында. Аны убырлар эзләп интектерә, шуңа әбисе малайны яшерергә тырыша. Малай убырларның кайда торганын белергә һәм аларның мәкерле планнарына комачауларга тиеш.

5. «Очень странные дела» 16+ 

Тыныч бер шәһәрчектә бик сәер кыз барлыкка килә, һәм билгесез  сәбәпләр аркасында кешеләр югала башлый. Бу ике хәл бер-берсе белән бәйлеме? Барысы да нәрсә белән бетәр?

6. «Каспер» 6+ 

Паранормаль күренешләр белән шөгыльләнгән кыз һәм аның әтисе турындагы фильм бу. Аларның өрәкләр йортына эләгүе һәм кечкенә өрәк Каспер белән танышу тарихы сезне битараф калдырмаячак.