ТОРМЫШНЫ ҮЗГӘРТӘ АЛА ТОРГАН ГАДӘТЛӘР

Кайчак тормышны үзгәртеп җибәрергә аз да җитә. Әйдәгез, бергәләп тормышны үзгәртә алырдай гадәтләр турында сөйләшәбез.

1. Ач карынга йокларга яту. Беренче вакытта бу авыр бирелергә мөмкин, әмма тора-бара яхшы төшләр керә башлаячак, иртән йокың туячак, кәефең яхшы булачак.

2. Ризыкны тозсыз һәм тәмләткечләрсез әзерләү. Әлеге гадәт ризыкларның чын тәмнәрен тоярга ярдәм итәчәк. Шешенүләр кимиячәк һәм берничә кило авырлык та сине ташлап китәчәк.

3. Йокыдан торгач, 2 стакан су эчү. Организмың сиңа рәхмәт әйтер. Тизрәк уянырсың.

4. Арканы төз тоту. Үз-үзеңне күбрәк ярата башларсың, эшчәнлегең дә күпкә яхшырыр.

5. Лифт турында онытып тору. Энергияңнең артуын тоярсың, сәламәтлегең яхшырып китәр. Бәрәкәт хәрәкәттә бит!

6. Сөйләшер алдыннан елмаю. Шулай эшләгән очракта иң катлаулы темаларга сөйләшү дә җиңелрәк бирелер.

7. Идеяне мөмкин кадәр тизрәк тормышка ашыру. Башыңа шәп идея килдеме? Аны тормышка ашыруга шунда ук кереш! Тормышның кызыклы булуын һәм вакытның бар нәрсәгә дә җиткәнен аңларсың.

8. Интернетка эш буенча һәм кирәк булганда гына керү. Тәүлектә 24 сәгать кенә булмавын аңларсың.

9. Көненә 10-15 минут вакытны тәртип урнаштыруга багышлау. Тирә-юнеңдә һәрчак чиста булыр, ә димәк, кәефең дә яхшырыр, эшләрең дә тизрәк барыр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (1)
Осталось символов:
  • 7 июль 2020 - 11:43
    Без имени
    иедя - хата, идея кирәк.
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    969
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    700
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    625
    0
    0

Блоглар