«СОЗВЕЗДИЕ-ЙОЛДЫЗЛЫК» ҖИҢҮЧЕСЕ – “НОВАЯ ВОЛНА”ДА

Татарстанның “Созвездие-Йолдызлык” фестивале җиңүчесе, Яшел Үзән егете Данил Буранов “Новая волна” халыкара яшь башкаручылар конкурсында Россияне тәкъдим итәчәк.

Данил фестивальдә 2014 елда җиңгән, ГИТИСны тәмамлаган, фестиваль хәрәкәтенең иң яхшы тәрбияләнүчесе рәтенә керә, әле дә  аның белән хезмәттәшлек итә. Аның турында “Созвездие-Йолдызлык” фестиваленең генераль директоры Дмитрий Туманов болай ди: “Ул бик тырыш, иҗади энергияле кеше. Гади эшчеләр гаиләсеннән булган Данил укытучыларны игътибар белән тыңлаган, өстенлекле юнәлешләрне дөрес билгеләгән – үзен-үзе булдырган. Ул яшь “йолдызлыклы”лар өчен үрнәк. Аны Мәскәү бозмады, ә бары тик көчлерәк итте. Бүген ул шоу-бизнеста беренче адымнарын ясый. Без аның уңышлары белән куанабыз”.

https://www.instagram.com/p/B1Rt2eiB-TH/

Конкурста Россия данын якларга, дип, 1500 гариза килгән булган, алардан 150 претендент сайлап алынган. Соңыннан, башкаручыларны тыңлаганнан соң, жюри ике катнашучыда гына тукталган. Берсе – татарстанлы Данил Буранов, икенчесе “Давинчи” музыкаль төркеме.

– Хәзерге вакытта репетицияләр, тренинглар башланды, без камералар астында, конкурска әзерләнәбез. “Новая волна” һәм “Созвездие-Йолдызлык” оештыру форматы һәм эчке кухнясы ягыннан бик охшаш – безне әзерлиләр, безнең белән даими рәвештә укытучылар эшли, тәнкыйтьлиләр, җитешсезлекләрне төзәтергә өйрәтәләр. Мин тормышка юллама биргәне өчен “Созвездие-Йолдызлык” фестиваленә бик рәхмәтлемен, туган шәһәрем Яшел Үзәндәге мәктәбемне дә бары тик җылылык белән искә алам, – ди Данил.

“Новая волна” 24-29 август көнне Сочи шәһәрендә узачак. Анда дөньяның 11 иленнән – Әзербайҗан, Албания, Армения, Испания, Италия, Куба, Латвия, Молдова, АКШ, Украина, Россиядән яшь башкаручылар көч сынашачак. Жюри рәисе – Россиянең халык артисты Игорь Крутой.

 

Алинә МИННЕВӘЛИЕВА әзерләде

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2671
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    893
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    743
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019