МӘКТӘПЛӘР - ЭКОЛОГИЯ САГЫНДА

“Мәктәп экология хакына: уйларга, эзләнергә, гамәл кылырга!” табигатьне саклау проектлары халыкара бәйгесе игълан ителде. Иң уңышлы проектларның авторлары IV Халыкара яшьләр экологик конференциясенә чакырылачак. Алар анда үз проектларын немец телендә тәкъдим итәчәк. Табигатьне саклау проектларын бәйге сайтына 1 ноябрьгә кадәр урнаштырырга кирәк.

Гёте-Институт мәктәп укучылары арасында 4нче тапкыр “Мәктәп экология хакына: уйларга, эзләнергә, гамәл кылырга!” дигән конкурс игълан итте.
Бәйгенең максаты: укучыларның игътибарын әйләнә-тирә мохит проблемаларына җәлеп итү.

Кем катнаша ала: 7-11 сыйныфлар укучылары командалары, шулай ук немец теле укытучылары һәм предмет (биология, экология, география, химия, физика) укытучылары чакырыла.

Педагоглар белән бергә укучылар үз шәһәрләрендә (бистәләрендә), үз урамнарында, үз мәктәпләрендә экологик ситуаци яне тикшерергә һәм экологик ситуацияне яхшыртуга һәм аңа киң җәмәгатьчелек игътибарын җәлеп итүгә юнәлтелгән идеяләр тәкъдим итәргә тиеш.

Проектның тасвирнамәсе немец телендә тәкъдим ителергә һәм түбәндәге критерийларга туры килергә тиеш:

- экологик проблеманың укучылар өчен һәм аларның шәһәре (бистәсе), мәктәбе өчен актуальлеге һәм мөһимлеге;

- фәнара бәйләнешләрне тормышка ашыру һәм биологиядә, экология, география, химия, физикада фәнни эзләнү алымнарын файдалану;

- проектта 3тән ким булмаган укучыдан, 1 немец теле укытучысыннан һәм 1 предмет укытучысыннан торган төркем белән катнашу;

- үткәрелгән проектның гамәли юнәлеше һәм нәтиҗәлелеге (конкрет экологик чаралар үткәрү);

- проект нәтиҗәләренә киң җәмәгатьчелек игътибарын җәлеп итү;

- проект һәм аның нәтиҗәләре тасвирнамәсенең аныклыгы, логиклыгы, структуралы булуы;

- документлар булу (мәсәлән, фото, видео, анкеталар, җирле ММЧда мәкаләләр һ.б.).

Конкурсның нигезләмәсе белән www.goethe.de/ins/ru/lp/prj/ums/ruindex.htm сайтында танышырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2630
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    766
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    664
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019