КАЛӘМ ИЯЛӘРЕ БЕЛӘН ОЧРАШУ

Гадәттәгечә, яңа уку атнасы җитте. Мин иртән автобуска кереп утырдым. Арттагы рәтләрдә: “О, бүген 4, 5нче дәресләрне укымыйбыз”, - дигән тавышлар ишетелде. Мәктәптә дә барысы да ап-актан гына киенгәннәр. Узган атнаны авырып мәктәпкә килмәгән аркасында, яңалыкларны белми калганмын икән: безгә журналистлар Айгөл Абдрахманова, Фәрит Салихов белән бергә шагыйрь Рифат Сәлах килә. Укучылар мондый очрашуларны бик ярата.



Менә көтеп алган кунакларыбыз да килеп җиттеләр, барыбыз да актлар залына җыелдык. Әйе, башта нидидер киеренкелек сизелсә дә, якыннан таныша башлагач, ул җил алгандай юкка да чыкты. Каһарманнарыбыз күпкырлы талант ияләре: җырлыйлар, бииләр, шигырьләр сөйлиләр, гармунда да уйныйлар. Аларга карап бөтен зал таң калды, игътибар белән аларны тыңлады. “Иҗат” дигән галәмдә яшәгән әлеге кешеләр безгә узләренең шушы юлга керүләре турында сөйләделәр; мәктәп белән бәйле якты хатирәләре белән, тәҗрибәләре белән бүлештеләр. Укучылар да актив катнашты, бер-бер артлы сораулар яңгыры яудырдылар.

Әлеге очрашу  җаныбызга сихәт, рухи азык бирде, ә инде шушы юлга басарга теләге булганнарга үзләренә ниндидер этәргеч ясарга мөмкинлек булды.







Нәҗмиева Алсу,
Балык Бистәсе районы Күгәрчен урта мәктәбенең 11нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    869
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    826
    0
    1
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    568
    0
    0

Блоглар