Җәйге лагерьларга путевка – ничә сум акча кирәк?!

Уку елы тәмамланырга санаулы көннәр калып бара, дуслар! Бу исә тиздән өч айга мәктәп белән саубуллашкан укучылар җәйге лагерьларга ашыгачак, дигән сүз. Әлеге лагерьлар яшь кунакларга югары дәрәҗәдә хезмәт күрсәтсен өчен күпме акча кирәк? Гомумән, баланы лагерьга җибәрү өчен ата-анадан ничә сум таләп ителә? Аңлаганыгызча, бүген акча турында сөйләшәбез!

Быел җәйге сәламәтләндерү лагерьларында барлыгы 218,6 мең бала ял итәр дип планлаштырыла. Лагерьлар саны исә - 1815. Әлеге эшне тиешенчә оештыру өчен Татарстан бюджетынннан барлыгы 1,5 миллиард (!) сум акча бүлеп бирелгән. Бу – узган ел белән чагыштырганда 78 миллион сумга күбрәк.

Әлеге 218,6 мең баланың 55 меңгә якыны лагерьларга путевканы БУШЛАЙ алачак. Аларның:

17 145 е – сәләтле балалар, төрле олимпиада, бәйге җиңүчеләре;

13 616 сы – катлаулы тормыш хәлендә калган сабыйлар;

12 000 е –  көндезге лагерьларда оештырылган хезмәт һәм ял лагерьларына йөрүче мәктәп укучылары;

5570 е – физкультура-сәламәтләндерү чаралары оештыручы вуз студентлары;

3500 е – тернәкләндерү, дәвалауга мохтаҗ сабыйлар;

3000 е – армиягә әзерлек яшендәге балалар.

Әлеге категориягә эләкмәгән сабыйларның әти-әниләренә исә лагерьлар өчен түләргә туры киләчәк. Бәяләр – 6450 сумнан (палатка тибындагы лагерьлар) 29 672 сумга кадәр (санаторий-курорт дәвалануы да кертелгән смена) аралыкта тирбәлә. Көндезге лагерьларда ял итү өчен нибары 3450 сум торачак. Профильле программалары булган лагерьда бер смена өчен путевка бәясе – 13 977 сум. Бу – узган ел белән чагыштырганда 10 процентка кыйммәтрәк икән.

Билгеле булганча, баласын лагерьга җибәргән ата-аналарга путевка өчен компенсация дә каралган. Ул гаиләнең тәэмин ителеше, ата-ананың эш урынына бәйле рәвештә 6 500-16 000 сум аралыгында тирбәлә. Бюджет оешмаларында эшләүчеләр өчен компенсация – 12 мең сум. Коммерцияле оешмаларда исә – 6500 сум.

Рәмзия ЗАКИРОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2480
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2316
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1963
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019