ГОМЕРНЕ... ФЛИКЕР САКЛЫЙ

Киемең нинди генә текә, стильле булмасын, бер деталең төшеп калса, юк инде... Юлда җәяү имин йөрим, дисәң, яктылыкны кире кайтара торган элементны (фликер) кулланмыйча булмый. Әллә кайдан “мин” дип кычкырып торган бу деталь машина йөртүчеләргә сине абайлап алырга һәм гомереңне саклап калырга ярдәм итә.

Киемгә беркетелгән, яктылыкны кире кайтара торган элемент – бүген юлларда һәлакәттән саклый торган иң нәтиҗәле ысул. Ут шушы предметның пластик өслегенә төшә, аннан тар яктылык чагыла. Автомобиль фаралары яктылыкны кире кайтара торган элементны аз гына күреп алса, машина йөртүче ерактан ук бу кешене абайлап ала. Аның ярдәмендә җәяүле яки велосипедчыны 130-240 метрдан күреп алырга мөмкин. Ә мондый элемент булмаганда, алар бары тик 25-40 метр ераклыктан гына күренә.

Шнурга тагылган асылмалы бизәк яки булавкадагы значок, наклейка булсынмы ул – яктылыкны кире кайтара торган элементның нинди формада булуы мөһим түгел. Иң мөһиме – аның барлыгы. Ул дымнан да, суыктан да курыкмый. Җитмәсә, аны кулланганда, балаларның юлларда җәрәхәт алу ихтималы 6 тапкырга кими.

Яктылыкны кире кайтара торган элементлар нинди була?


Яктылыкны кире кайтаргычның элеп куела торган асылмалы бизәклесе (подвеска) – киемгә яки тәннең берәр өлешенә асып куела. Аны киеп-салып йөрү җайлы.

Яктылыкны кире кайтаргычның салына торганы (значок) – киемгә яки тәннең берәр өлешенә вакытлыча беркетелә.

Яктылыкны кире кайтаргычның салынмый торганы (наклейка) – озак вакытка беркетелеп куела торган җайланма.

Яктылыкны кире кайтаргычның сыгылмалысы (браслет) – теләсә нинди формада беләзек итеп киеп куеп була.

Бу элементларның биләп торган мәйданы 15-50 квадрат сантиметрдан да ким булмаска тиеш.

Әлеге предметны кием, рюкзак, сумка, велосипед, роликка автомобильнең фарасы аңа төшеп торырлык итеп беркетергә кирәк. Ябыштырыла торган җирнең (куртка, сумка) ике ягыннан бу предметны куйсаң, тагын да яхшы.

! 2015 елның 1 июленнән башлап караңгы вакытта торак пунктлардан читтә барган җәяүлеләргә яктылыкны кире кайтара торган элементны тагу мәҗбүри. Әлеге кагыйдәне санга сукмаучыларга 500 сум күләмендә штраф каралган.



Татарстанда мартның беренче атнасында яктылыкны кире кайтара торган элементларны популярлаштыру буенча чаралар узган. Яр Чаллының ЮХИДИ хезмәткәрләре юл хәрәкәтенең яшь инспекторлары белән бергә “Җәүлеләр кичүе” акциясен үткәргән. Аның дәвамында яшь булышчыларга яктылыкны кире кайтаргычлар өләшкәннәр.





Түбән Камада исә өлкән сыйныф укучылары яктылыкны кире кайтара торган элементлар булган киемнәрнең презентациясен оештырган, кече сыйныф укучылары фликерларны үз куллары белән ясаган. Укучылар жюрига үзенчәлекле киемнәр тәкъдим иткән.

Яшел Үзәндә яктылыкны кире кайтару буенча махсус эксперимент оештырылган. Яшь инспекторлар бер тоннельның ахырында караңгы кием кигән җәяүле манекенын урнаштырган, икенчесендә аңа яктылыкны кире кайтара торган элементлар беркеткән. Эксперимент дәвамында фликерларның җәяүлеләрне күрергә ярдәм итүе ачыкланган.

Фликер гадәти значок кына түгел. Ул иминлекне саклап калу өчен кешеләрдә психология тәрбияли. Җәяүлеләрнең һәрчак күренеп торуы мөһим. Тик күп кенә әти-әниләр караңгы төстәге өс киемнәренә өстенлек бирә. Шуңа күрә машиналар күренми торган җәяүлеләргә килеп керә дә инде.

Караңгы кием кигән җәяүлене ерактан күреп булмый диярлек. Шуңа да киемгә яктылыкны кире кайтара торган элемент беркетеп кую куркынычны киметә. Балаларның иминлеге – олыларның бурычы! Яктылыкны кире кайтаргыч элементлар алар тормышын, һичшиксез, саклап калачак. Бу детальләргә махсус таләпләр юк: иң мөһиме алар булсын һәм машина йөртүчеләргә күренсен генә!



Алинә МИННЕВӘЛИЕВА

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4852
    2
    96
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2880
    1
    81
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2462
    0
    59
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1888
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1580
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    107
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    110
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019