БДИ-2019: тапшыру көннәре билгеле!



2019 елгы бердәм дәүләт имтиханы һәм төп дәүләт имтиханы расписаниеләренең рәсми проектлары дөнья күрде. Аларны тапшыру вакыты ege.edu.ru сайтында урнаштырылган. Бу хакта ТР Мәгариф һәм фән министрлыгының матбугат хезмәте хәбәр итә.

IX һәм XI сыйныфларны тәмамлаучылар өчен дәүләт йомгаклау аттестациясе, узган ел белән чагыштырганда, җитди үзгәрешләр кичермәячәк.

2019 елда БДИ өч этапта узачак:


вакытыннан алдагы этап (20 марттан 10 апрельгә кадәр);


төп этап (27 майдан 1 июльгә кадәр) һәм


өстәмә этап (3-20 сентябрь).


IX сыйныфны тәмамлаучылар өчен төп дәүләт имтиханы шулай ук өч этапта үтәчәк.

БДИның вакытыннан алдагы һәм төп этаплары география һәм әдәбият буенча имтиханнардан башлана. Рус теле һәм математикадан нәтиҗәләре канәгатьләндерерлек булмаган яки резерв көнендә әлеге фәннәрнең берсе буенча кабат начар билге алган чыгарылыш сыйныф укучылары база дәрәҗәдәге рус теле һәм математика буенча бердәм дәүләт имтиханында өстәмә (сентябрь) этапта катнаша алачак.

Аттестатка ия булу өчен, рус теле буенча БДИдан 24 балл җыярга һәм база дәрәҗәдәге математикадан (биш баллы шкала буенча бәяләнә) «3»ле алырга кирәк. Ә югары уку йортына керү өчен минималь баллар түбәндәгечә: рус теленнән – 36, профиль дәрәҗәдәге математикадан – 27 балл.

Норматив хокукый актлар Федераль порталында расписание проектлары буенча иҗтимагый фикер алышулар 29 декабрьгә кадәр дәвам итәчәк.

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2573
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    730
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    636
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019