«ТАТАРСТАН - СИН ГАЛӘМ»

4 апрель көнне Питрәч районының 1 номерлы мәктәбендә космонавтика көненә багышланган «Татарстан - син галәм» дип аталган акция узачак. 

Чараның оештыручысы «Кадрлар резервы» республика проектының катнашучысы Дамир Байгильдин.



Чара бик кызыклы форматта узачак. 300 бала халыкара космос станциясендә космонавтлар тормышы белән төрле яктан танышачаклар, махсус кроссворд чишәчәкләр һәм шунда ук үзләрнең дусларына сөйләчәкләр. Балалар, бер чара кысаларында, уку-укыту программасын да, ораторлык осталыгын да камилләштерәчәкләр.

Чара балалар катнашындагы үзенчәлекле видео белән тәмамланыр дип көтелә.

Әлеге чара турында тулы язманы иртәгә "Ялкын" сайтыннан укый аласыз. Шуңа күрә, сайтны ешрак яңартып тор, дустым.