СИНЕҢ ЙОЛДЫЗЛЫ СӘГАТЕҢ: СӘЛӘТ ЧАКЫРА!

Мәкаләләр, шигырьләр, чәчмә әсәрләр... Иҗат җимешләрең һаман компьютер папкасында сакланамы? Әдәби геройларыңны һәм темаларыңны башкалар да белергә тиеш бит инде! «Сәләт» оештыра торган «Сәләткә нур булган йолдызлар» бәйгесе яшь язучы, драматург һәм шагыйрьләрнең кабат үзенә дәшә! Катнашасың, шулай бит?!

СИНЕҢ «ЙОЛДЫЗЛЫ» СӘГАТЕҢ!

«Сәләт» оешмасы һәр язны әдәби бәйгегә багышлый! Флүс Латыйфи исемендәге IX «Сәләткә нур булган йолдызлар» бәйгесе менә инде тугыз ел рәттән татар телендә иҗат итә торган укучыларны барлый. Бу гади генә бәйге түгел, ә үзенчәлекле иҗади лаборатория. Монда синең әсәреңне анализлап кына калмыйлар, алга таба иҗат итәргә юнәлеш бирәләр. 

Кем катнаша?

Конкурста мәктәп укучылары да, студентлар да – катнаша ала. Нигезләмәдә язылганча, бәйгегә 11 яшьтән алып, 22 яшькәчә иҗат итә торган сәләтлеләр җәлеп ителә. Каләм тибрәтүче яшьләр шигърият, чәчмә әсәр, драматургия, балалар әдәбияты һәм публицистика номинацияләрендә көч сынаша. Финалга узган иҗатчылар «Сәләт йорты»нда башка конкурсантлар белән таныша алачак. Әсәрләр жюри әгъзалары тарафыннан бәяләнәчәк. Җиңүчеләрне дипломнар һәм бүләкләр көтә. Оештыручыларның син җибәргән язмаларны мәгълүмат чараларында чыгарырга хокукы бар. Шуңа күрә «Ялкын»ның битләренә дә эләгеп була әле!

Катнашыр өчен нишләргә кирәк?

Иң беренче итеп selet.biz сайтында гариза калдырырга кирәк. Берничә номинациядә көчеңны сынап карарга да була. Гариза җибәргәч, иҗади эшләрне selet.nur@gmail.com адресына юлларга кирәк. Аларны 1 апрельгә кадәр кабул итәләр. Әсәрләреңне Татарстан Язучылар берлеге әгъзалары, шагыйрьләр, язучылар, журналистлар тикшерәчәк. Финалга үтәсең икән, 17 апрель көнне сине Казанның Островский, 23 урамы буенча «йолдызлы сәгатеңә» көтәчәкләр!

Нигезләмә:

http://www.selet.biz/all-site/%D0%A1%D0%9D%D0%99%20%D1%82%D0%B0%D1%82%D0%B0%D1%80%D1%81%D0%BA%D0%B8%D0%B9%202020.pdf

Фотолар  https://vk.com/selet.official

Резидә ӘЛМИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2472
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2313
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1959
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019