САУ БУЛ, СМАРТФОН!

Федерация Советы спикеры Валентина Матвиенко мәктәпләрдә смартфоннар куллануны тыярга тәкъдим итте. Бу мәсьәләне якын арада чишәргә кирәклеге ассызыкланды.

Валентина Матвиенко фикеренчә, мәктәптә төрле гаиләләрдән балалар укый: кемнеңдер бер айлык хезмәт хакы бәясенә торган телефон күтәреп йөрүче балалар да җитәрлек. Андый электроникага күпләр кызыгу сәбәпле, урлау очраклары еш була, һәм мондый хәлләр өчен укытучылар һәм директорлар үз өсләренә җаваплылыкны алмаячак. Өстәвенә, гел телефонга текәлеп йөргән баланы дәрескә җәлеп итү бик кыен, бу белем бирү процессына комачаулый. Кайбер мәктәпләрдә исә, дәрес вакытында телефоннарны куеп тору өчен махсус тартмалар да кулланыла, ә әти-әниләр белән сөйләшү өчен балалар мәктәптәге махсус телефонны куллана алалар.

Смартфоннарны тыю дигәндә, сүз телефоннарны дәрес вакытында кулланмау турында бара. ВЦИОМ оештырган сораштыруда 73% кеше дәрес барышында смартфон куллануны тыю яклы булып чыккан. Бу мәсьәләгә бәйле конкрет тәкъдимнәрне Рособнадзор белән берлектә Россия Мәгариф Академиясе  бер айдан  билгеләячәк.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2660
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    827
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    709
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019