Рөстәм Миңнеханов Татарстанның иң актив яшьләре белән очрашты

27 июнь Россиядә яшьләр көне буларак билгеләп үтелә. Шул хөрмәттән ТР Президенты Рөстәм Миңнеханов Татарстанның иң актив яшьләре белән очрашып, аларны бәйрәмнәре белән котлады:

- Сез - республиканың киләчәге. Ирешкән уңышларыгызны күреп, сезнең белән горурланып яшибез. Сезгә комачауламаска, киресенчә, гел ярдәм итеп торырга без әзер.

Чарада Яшьләр эшләре министры Дамир Фәттахов та катнашты:

- Татарстанда күптән түгел генә Яшьләр эшләре министрлыгы оештырылды. Бу - зур безнең өчен дә, сезнең өчен дә зур җаваплылык. Бергәләп Татарстанның иҗат итү, эшләү өчен иң яхшы җирлек икәнлеген исбатлыйк!

Быел Татарстан яшьләренең иң зур җиңүе булып Россиянең "Студентлар язы"нда гран-прига лаек булулары тора. Фестивальдә илнең 80 регионыннан 2700 студент катнашкан иде. Очрашу вакытында Россия күләмендә республика данын яклаган җиңүчеләр үз иҗатлары белән таныштырды.

Чара барышында Татарстандагы башка яшьләр оешмалары да бүләкләнде.