КӨННӘР ҖЫЛЫ. ОЗАККАМЫ?

Татарстанга җылы, матур көннәр килде. Бу озак дәвам итәчәкме?

Тиздән Татарстанда көннәр салкынайтачак, дип фаразлый синоптиклар. Төннәрен температура 4-9 градуска төшәргә мөмкин. Бүген, 12 май көнне, республиканың кайбер районнарында яңгыр явып үтәргә мөмкин. 

Чәршәмбе, 13 май көнне, тотрыксыз һава торышы күзәтеләчәк. Төнлә яңгыр явып үтү ихтималы бар, көндез яшенле яңгыр яварга мөмкин. Шулай ук 17-22 м/с тизлектәге көчле җил көтелә. Температура төнлә +8..+13, көндез +19..+24 градус булачак.

Республикада пәнҗешәмбе салкын киләчәк. Төнлә яңгыр яварга, яшен яшьнәргә мөмкин, 16 м/с тизлектәге җил дә көтелә. Төнлә температура +4..+9, көндез +12..+17 градус булачак.

ТР гидрометеорология үзәге фаразлавынча, аннан соңгы ике көндә дә республикада салкынча һава торышы сакланачак. Урыны белән яңгыр явып үтәргә мөмкин. Төнлә температура +2..+7, көндез +11..+16 градусны тәшкил итәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    885
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    631
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар