КАЗАННЫҢ 19нчы ГИМНАЗИЯСЕНДӘ – ХАЛЫКАРА КОНФЕРЕНЦИЯ

Бу көннәрдә Казанның 19 нчы гимназиясе халыкара масштабтагы мәйданчыкка әверелде. Биредә SWIFT инновацион белем бирү  мәктәпләре вәкилләре катнашында түгәрәк өстәл уза.

SWIFT түгәрәк өстәле – ике елга бер мәртәбә оештырыла торган халыкара конференция. Ул халыкара дәрәҗәдәге мәктәпләрнең инновацияләр өлкәсендәге хезмәттәшлеген ныгыту һәм үзара тәҗрибә уртаклашу максатыннан уздырыла. Ә Казанның 19 нчы гимназиясе инде күптәннән SWIFT халыкара мәктәбе статусына ия.

Шуңа күрә 22 октябрь көнне Австралия, Яңа Зеландия, Гонконг һәм Сингапурдан килгән мәктәп директорлары Казанга җыелды. Алар үзара “мәктәптә белем бирү контекстында глобаль хезмәттәшлек алып бару” темасына фикер алышты.

Әйтергә кирәк, мондый чара Татарстанда беренче генә тапкыр уздырыла әле. Шуңа күрә аны республика өчен уникаль дип әйтергә мөмкин. Чит ил кунаклары гимназия укучыларының эшләнмәләре, иҗади эшчәнлекләренә югары бәя бирде, дәресләрдә катнашты, укытучылар белән әңгәмә корды.

Тагын бер мөһим яңалык – әлеге чара вакытында Татарстанның берничә иң яхшы мәктәбе Россия фәннәр академиясе сертификатларын алды. Алар арасында 19 нчы гимназия дә бар. Әйтергә кирәк, бу бик мөһим статус, чөнки Россия фәннәр академиясенең бу исемлегендә нибары 108 шундый мәктәп бар.

Гимназиядә даими рәвештә белем бирүнең яңа методикаларын кулланалар. Мәсәлән, сентябрьдән башлап испан телен укыта башлаганнар. Әйтергә кирәк, дәресләр инглиз телендә уза.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    830
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    774
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    660
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019