Логотип Идель
Белми калма

«Казан» бию ансамбле яшь тамашачыларны җыйды

Иң ихлас тамашачыларның кем икәнен беләсезме? Әлбәттә, балалар!

Бүген, 23 ноябрьдә, Ленин исемендәге мәдәният һәм ял йортында «Казан» бию ансамбле яшь тамашачыларга концерт тәкъдим итте. Сәхнәдә үзбәк, ирланд, Корея, рус һәм татар милли биюләре күрсәтелде. Концерт хореографик спектакль өзекләреннән торды, тамашачыларга иң ошаганы - Корея биюе. Укучылар артистларга алкышларын бер дә жәлләмәделәр.

Шулай ук концертта Татарстанның атказанган артистлары чыгыш ясадылар - «Зөләйлә» төркеме, Рөстәм Асаев һәм «Фәридә - Алсу» дуэты.

Дөресен әйткәндә, мондый концертларда яшь тамашачыларның игътибарларын җәлеп итү шактый авыр, әмма бүген залда утыручылар җырчыларга кушылып җырлап, балаларча ихлас күңелдән биеп тә алырга өлгерделәр. Күңелсезләнергә вакыт бер дә юк иде!



Чаткы Ялкынлы

Следите за самым важным и интересным в Telegram-каналеТатмедиа

Нет комментариев