Логотип Идель
Белми калма

БАЛАЛАРГА ТЫҢЛАРГА ЯРАМЫЙ ТОРГАН 15 БАШКАРУЧЫ

Татарстан лагерьларының берсендә балаларга тыңларга тыелган 15 җырчының исемлеген язып элгәннәр.

Әлеге исемлекнең фотосы социаль челтәрләрдә таралган. Иң кызыгы - кәгазь битендә Татарстан яшьләр министрлыгының символикасы да бар.



“Кара исемлек”кә “Ленинград” һәм Элджей белән беррәттән зарарсыз кебек тоелган башкаручыларны очратырга мөмкин.

“Элджей белән “Ленинград” аңлашыла инде, ә Бузова белән Френдзонаны анда ник кертергә иде? Алайса ник icepeak юк? Узган елны әлеге төркемгә Казанда чыгыш ясауны тыйганнар иде, тик ул никтер әлеге исемлектә күренми. Алайса балалар лагерьларында icepeakны рәхәтләнеп тыңларга ярый булып чыгамы?” – дип тузына Интернет кулланучылар.

- Бу - әлеге лагерьнең үз инициативасы белән эшләнгән гамәл. Ул министрлык белән берничек тә килештерелмәде. Лагерьне оештыручылардан бу исемлекне алуны һәм балаларның зәвыгын башка төрле ысуллар белән тәбрияләүне сорадык. Нәрсә тыңларга икәнлеген балалар үзләре сайларга тиеш, дип саныйбыз, - дип җавап бирә Яшьләр министрлыгы  вәкилләре.

Зилә САБИТОВА әзерләде

Следите за самым важным и интересным в Telegram-каналеТатмедиа

Нет комментариев