КАДЕРЛӘРЕН БЕЛЕГЕЗ!

Сафин Хәлимулла Хәбиб улы

Минем әтиемнең әтисе Сафин Хәлимулла Хәбиб улы 1911 елда Башкортстан республикасының Чакмагыш районы Аблай авылында туа. Туган авылында үсеп, белем алып, зур тормыш юлына аяк баса. Колхозда бригадир булып эшли. 1939 елда Казахстанга офицерлар курсына җибәрәләр. Аннан ул кадровый офицер булып кайта. Хатыны һәм кечкенә улын алып Свердловск якларына торф эшкәртмәләренә чыгып китәләр. Түбәнге Салдада Бөек Ватан сугышы башлануы турында ишетәләр. 1941 елда, картәтием сугышка китә. Немец телен өйрәнүе, курслар үтүе турыда хатларда хәбәр итә. Өлкән лейтенант дәрәҗәсендәге взвод командиры, тәрҗемәче-разведчик була. 1944 нче елда хәбәрсез югала...

Сафина Гөлбикә Фазлыәхмәт кызы (1919-2001)

Кадерлебез сугыш елларының бар ачысын татыган кеше. Сөекле тормыш иптәшен сугышның беренче көннәреннән үк фронтка озатканда улларына 3 яшь тә тулмаган була әле. Колхозның бер авыр эшеннән дә куркып тормаган ул.Улын үстереп,зур тормыш юлларына чыгарган. Кибеткә товар ташучы да булган, балалар бакчасында каравылчы булып та, тәрбияче булып та эшләгән. Тормыш юлын намус белән үткән, тырыш, уңган кеше булган ул безнең кадерлебез!

 

 

 

 

Мөхъяров Хәмәтрәхим Мөхәмәдьяр улы

Әниемнең әтисе 1898 нче елда Башкортстан республикасы Чакмагыш районы Аблай авылында туа. Шул ук авылда укып,белем алып, колхозда ветеринар булып хезмәт сала. Бөек Ватан сугышына алына. 1942 нче елда Мәскәү өчен барган яуда каты яраланып, госпитальдә озак дәвалана. Терелеп чыккач, сәламәтлеге сугышка яраклы булмау сәбәпле, туган авылына озаталар. Анда ул эшен дәвам итә, фронт өчен көчен кызганмый. Сугыштан соң бик оста итеп киез итекләр баса, умарталар карый, мулла вазыйфасын башкара.

1976 нчы елда сугыш яраларыннан вафат була.

 

 

Мөхъярова Фатыйма Миндияр кызы

Гомерен балар тәрбияләү, аларга аң-белем бирүгә багышлаган изге зат. Сугыш елларының ачылары да аның гаиләсен урап узмаган. Бәхетенә, тормыш иптәше туган авылына кире кайткан. Бергәләп картаерга Ходай насыйп иткән бәхетле пар булган безнең кадерлеләребез! Фидакарь хезмәтегез өчен зур рәхмәт!

 

 

 

 

 

Рузиля Сагутдинова

Нравится
Комментарии (0)
Осталось символов:
Шәп укыла
  • 18 ноябрь 2019 - 17:20
    КӘЛӘПҮШЛЕ КЫЗ Бу очрашуны Сиринә күптән көткән иде. Үзе көтте, үзе курыкты. Әмма юкка дулкынланган икән. Барысы да шулчаклы гади, гадәти килеп чыкты.
    3700
    4
    35
  • 12 ноябрь 2019 - 15:42
    СИН ЕЛАМА, АБЫЙ! Җил Казанның тар урамнарыннан йөгереп үтә дә, бөтерелеп-бөтерелеп, таш диварлар арасыннан ишегалларына кереп югала. Усал җил артыннан ияреп барырга өлгерә алмагангамы, әллә шулай тиеш булгангамы – бары чүп-чар өеме генә сибелеп кала. Кайчакларда җил шулкадәр тыныч, гүя ул шәһәрнең һәр баганасын, диварын үзенчә сыйпап уза. Талгын гына искән җил назыннан иркәләнәсе, җылысын тоясы килә...
    3065
    1
    32
  • 16 ноябрь 2019 - 16:42
    ӘНИЛЕ ЙОРТТА Мин гомерем буе әниле йортта яшәргә хыялландым... Хәтерлим әле, бала чакта үзебезгә кайтырга теләмичә, гел иптәш кызларыма керү җаен эзли идем. Чакырсалар да, чакырмасалар да, мин аларга ияреп әниле йортка керә идем. Әниле йортлар якты була, нурлы, җылы була. Әниле йортларда җанны сыйпый торган, күңелгә ятышлы ниндидер аерым бер тәмле ис була...
    2603
    0
    27

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    108
    0
    0
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019