АШ-СУ БЛОГЕРЫННАН ГОЛУБЦЫ РЕЦЕПТЫ

Тәмле ризыклар яратасызмы? Ашарга гына түгел, пешерергә дә өйрәник әйдә, үзең пешергән, тагын да тәмлерәк әле ул, якыннарыңның тәмләп син пешергән ризыкны авыз иткәннәрен күрү, икеләтә сөенеч булачак. Бу голубцыны мин 6 яшьлек кызым белән бергә ясыйм, минем кечкенә кызым ясый алганны, сез бер шиксез ясарсыз дип ышанам!

Пекин кәбестәсеннән голубцы


Гадәттә голубцыны гадәти ак кәчәнле кәбестәдән пешерәләр, ә пекин кәбестәсеннән аны әзерләве күпкә җиңелрәк, тәме дә гадәти голубцыга караганда йомшаграк була.

Безгә кирәк:

1 зур яисә ике уртача зурлыктагы пекин кәбестәсе

450 гр. ит фаршы (бозау, тавык, күркә)

1/2 стакан дөге

3 зур кишер

2 зур суган

2 аш кашыгы каймак (сметана)

1 аш кашыгы томат пастасы

½ ст.су

Тоз, борыч тәменчә



Пекин кәбестәсенең төбен кисеп, һәр яфрагын юасы. Яфракларны кайнап торган тозлы суга салып 1-2 минут йомшарганчы пешерәсе. Дөгене яхшылап юабыз, ике өлеш су салып 10 минут пешереп алабыз һәм суытабыз. Ит, дөге, тоз, борычны бергә кушып эчлек әзерлибез. Эчлекне кәбестә яфрагына төреп голубцылар ясыйбыз һәм шуларны табага тезәбез.



 

Суганны турыйбыз, кишерне зур угычтан чыгарабыз. Майлы табада башта суганны кыздырабыз, янына кишерне салабыз да янә 3-4 минут кыздырганнан соң, томат пастасы, тәменчә тоз салып, 5 минут чамасы томалап пешерәбез. Яшелчәләрнең 1/3 өлешен соус ясар өчен алабыз, калган яшелчәләрнең өстенә голубцыларны тезәбез. Яшелчәләрнең алып калган өлешеш кайнар су, каймак салып соус ясыйбыз, соусны табадагы голубцылар өстенә агызабыз. Газ мичендә 200 градуста, якынча 40 минут пешерәбез. Табынга каймак һәм яшеллек белән бирәсе.



 

Рәфилә Шәмсетдинова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    1015
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    885
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    442
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019