КАМАЛ ТЕАТРЫ ЯҢА СЕЗОНЫН АЧА

6 октябрьдә 19.00 сәгатьтә легендар "Зәнгәр шәл" спектакле белән Г.Камал исемендәге Татар дәүләт Академия театры 112нче сезонын ачып җибәрә, ә 7 һәм 8 октябрьдә узган сезоннын премьерасы - И.Юзеевның "Ак калфагым төшердем кулдан" спектакле тәкъдим ителәчәк. Яңа сезонда Камал театры тамашачыларын Зур һәм Кече сәхнәдә берничә премьера көтә. Зур сәхнәдә өстенлек татар классик әсәрләренә бирелә. Кече сәхнәгә театр яшь режиссерларны замана драматурглары әсәрләрен куярга чакыра.

Яңа сезонның беренче премьерасы - Кече сәхнәдә театрның баш режиссеры Фәрит Бикчәнтәев куелышында, Сөмбел Гаффарованың "Килмешәк" бер актлы пьесасы. Пьеса Норвегия-Кытай-Россия илләренең уртак проекты, ул кешеләрнең һәм халыкларның мәҗбүри күчеп китү һәм миграция темасына багышланган.

7 ноябрь - Камал театры өчен үзенчәлекле дата. Татар сәхнәсенең бөек реформаторы Марсель Сәлимҗановның туган көне. 2002 елдан Фәрит Бикчәнтәев инициативасы буенча әлеге истәлекле көнне премьера белән билгеләп үтү традициясе барлыкка килде. Н.Исәнбәтнең "Миркәй белән Айсылу" спектакле театр өчен нәкъ менә шундый, символик әсәр. Әлеге пьесаны иҗат итәргә яшь режиссер Илгиз Зәйниев алынды. Әлеге әсәрне ул шигъри театр чаралары аша күрсәтә, анда көнкүреш һәм тарихи конкретика юк, ләкин безнең күз алдында иллюзияле, өрәкле, образлар, метафоралар һәм серләр тулы дөнья туа. Спектакльдә труппаның зур өлеше катнаша, а баш рольләр татар яшьләренең кумирлары Эмиль Талипов һәм Ләйсән Фәйзуллинага бирелгән.

Декабрьдә татар әдәбиятының классигы Аяз Гыйләҗевнең Фәрит Бикчәнтәев куелышында "Әтәч менгән читәнгә" әсәре сәхнәләштерелә. Баш рольдә -  күп еллар дәвамында иҗади эзләнүләрдән соң театрга кире әйләнеп кайткан Рамил Төхвәтуллин.

Февральдә Фәрит Бикчәнтәев 2000-нче еллар башы хиты -  Зөлфәт Хәкимнең "Килә ява, килә ява..." комедиясен яңартып куячак. Ә апрельдә татар режиссурасының балкып килүч йолдызы Айдар Җаббаров (Камал театрында ул "Ленсовет" һәм "Современник" театрларында спектакльләр куйган арада иҗат итә) Гаяз Исхаки әсәрләре буенча куелган "Тормышмы бу?" спектаклен иҗат итәчәк.

112нче сезонда шулай ук Татарстанның һәм Россиянең халык артистлары Равил Шәрәфиев, Ринат Таҗетдинов, Татарстанның халык артисткалары Люция Хәмитова, Илсөя Төхвәтуллинаның юбилей кичәләре көтелә.

Юбилей чараларыннан башка Камал театрының яңа сезонында Татарстанның Кама елгасы аръягы - Яр Чаллы, Әлмәт, Түбән Кама шәһәрләренә традицион гастрольләр каралган. 9-14 декабрьдә Камал театры янәдән "Һөнәр" татар яшь режиссура фестивлен үткәрә.  Декабрьдә "Яңа татар пьесасы - 2017" конкурсы җиңүчеләре исемнәре билгеләнә. 2018 елның май ахырында Төрки халыкдарның V "Нәүрүз" Халыкара театраль уку-укыту форумы узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1144
    0
    7
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    911
    0
    3
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    868
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019