“Татфак” кабат исем алыштыра

КФУда Г.Тукай исемендәге милли мәдәният һәм мәгариф югары мәктәбе ачыла.

Бу хакта Л.Толстой исемендәге филология һәм мәдәниятара багланышлар институты директоры Рәдиф Җамалетдинов:

- Республикабыз хөкүмәте заказы белән быел өстәмә рәвештә 125 студент кабул иттек. Аларның 75е көндезге бүлектә, 50се читтән торып уку бүлегендә белем ала. Әлеге студентлар киләчәктә икетелле (рус һәм татар телләре) укытучылар булып чыгачак. Алар тарих һәм җәмгыять белеме, математика һәм информатика, музыка һәм өстәмә белем бирү юнәлешләрендә белем ала. Шул уңайдан югары мәктәбебезнең исеме алышына, - диде.

Институт директоры әлеге студентларның өстәмә стипендия алулары турында да хәбәр итте. Көндезге бүлеккә кабул ителгән студентларның беренче семестрда һәркайсы, киләсе семестрдан башлап, өлгерешләренә карап әлеге стипенидияне алачак.

Белгечлекләре татар теленә бәйле булмаса да, әлеге студентларга татар теле дәресләре дә укытыла. Шул исәптән, үз юнәлешләрендәге фәннәр дә күпмедер күләмдә татар телендә алып барыла. Киләчәктә үз тармакларының татарча терминологиясен өйрәнүгә багышланган дәресләр дә булачак, дип вәгъдә итә институт җитәкчелеге.
Сүз уңаеннан, әлеге бүлек соңгы тапкыр үз исемен 2016 елда алыштырган иде. Г. Тукай исемендәге татар филологиясе һәм мәдәнияте бүлеге Г.Тукай исемендәге Татаристика һәм тюркология югары мәктәбе дип аталып йөртелде. 1 ноябрьдән исә аның атамасы Г. Тукай исемендәге милли мәдәният һәм мәгариф югары мәктәбенә үзгәртеләчәк.
Фактлар:

- быел Л.Толстой исемендәге филология һәм мәдәниятара багланышлар институты 1013 (рекорд сан) студент кабул иткән;

- узган ел бу сан 980 булган;

- институт буенча студентларның уртача имтихан баллары 85не (университет буенча – 78) тәшкил иткән;

- татаристика һәм тюркология югары мәктәбенә керүчеләрнең уртача баллы 78 булган;

- институтка БДИда 100 балл туплаган 16 студент (университет буенча 65 кеше) кабул ителә;

- институт буенча 1 урынга 16 кеше дәгъва кылган.

Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    835
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    777
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    663
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019