ИЮЛЬ 2019

15 июль 2019

Дустым, әйдә, бергә утырып каһвә эчик әле. Мин сиңа соңгы бер айда тормышымда булган хәлләрне сөйләрмен. Кыскасы, мин сине "свидание"га чакырам. Җайлап утырдыңмы? Каһвәң суынмаганмы? Хәлләрең ничек соң? Минеке дә ярыйсы кебек, шөкер. Син каһвәңне эч, эч, суынмасын.

Июль минем өчен бик үзенчәлекле ай булды бит әле. Җәй инде югыйсә, ял итәргә, су коенырга тиеш бит без. Ә без менә эшләдек: журналның яңа санын үзенчәлекле итәргә тырыштык бөтен редакция белән. Әй, яздык язмаларны, әй яздык – журнал битләренә сыймады хәтта. Әйдә, журнал битләренә сыйган язмалар, үзем танышкан шәхесләр турында тәртип буенча сөйлим әле. Кара генерал белән таныштым. 5000 фашистны, 40 эшелонны, 10 күперне һәм 16 сугыш самолётын юкка чыгарган шәхес белән син дә таныша аласың. 2нче биттә язылган аның хакында.

Икенче танышым – Әмир Әхмәтҗанов. Шук, шаян, бераз гына тәртипсез Әмирнең чын чаңгы спортына килеп керүе, 4 тапкыр Татарстан чемпионы, чаңгы буенча спорт остасына кандидат исеме алуы турында – 3нче биттә. Өченче танышым – Азнакай кызы Ләйсән Хуҗина. Аның белән әңгәмә кору җиңелләрдән булмады. Җәйге каникуллар вакытында да эшләүче, бер генә минутын да бушка уздырмаучы туташыбыз, һичшиксез, синең игътибарыңа лаек. Нәрсәсе бар соң аның шул кадәр дисеңме? 4-5нче битләрне ачып кара әле – барысын да аңларсың. Илүзә Галимҗанова белән Нурсил Галимҗанов – туганнар. Икесе дә тырыш, булдыклы гына түгел, театрга гашыйк җаннар да. Үзләренең авылларында «Яшьләр җыелган җирдә» дип исемләнгән театр труппасы булдыралар да шунда уйнап та йөри башлыйлар.

Танышларның исемлеге генә түгел, географиясе дә арта хәзер. Ник дисәгез, 8-9нчы битне ачып карагыз. Шуннан барысын да үзегез аңларсыз. Ярар инде, ярар, әйтәм: Американың Делавэр штатында яшәүче Гүзәл Мосабирова белән таныштым. Сине дә таныштырам.

Ооооо, киләсе танышым, просто «ОООООООООООгонь» кеше – Мөнир Рахмаев. Хатыны белән матурлык салоннарына йөргән кешене күргәнем юк иде әле.

Яңа танышларым арасында «иске» кешеләр дә бар. «Иске» дигәндә би-и-и-ик борынгы кешеләрне әйтүем (үлгән инде алар хәзер барысы да). Ләкин сиңа да, миңа да алар белән танышырга кирәк. Берсе «Ялкын»ның 12-13нче битләрендә «яши».

О, киләсе танышларым Мөнир Рахмаев кебек үк шоу-биз дөньясыннан. Берьюлы 5 йолдыз: ТATARKA, Аигел, Тимур СПБ, Тимур һәм Ильяс Гаязовлар. Бу йолдызлар каян килгән, нәрсә белән шөгыльләнәләр – бөтен сорауларга җавап таптык.

Быел мәктәпне тәмамлаган Елена Радченко бик үзенчәлекле туташ булып чыкты. 8нче сыйныфта укыганда «Талантлар университеты» программасында катнашып, «Газпром» классында уку мөмкинлеген откан кыз Елена. 23-26нчы битләрне ачып укысаң, сиңа да файдалы булыр: анда киңәшләр бар. Бу танышымны URBANGIRL дип әйтер идем. Гүзәл Әхмәтгәрәева – Яр Чаллыда татарча урбанистика юнәлешен үстерүче кеше. Аның белән 42-43нче битләрдә таныша аласыз.

Менә шула-а-ай. Бу айдагы иң зур вакыйгалар менә шушы 10 шәхес белән танышуга бәйле. Моннан тыш һәрвакыттагыча төрле һөнәр ияләре, медицина белгечләре, кызыклы язучы, шагыйрьләре белән таныштым. Татарстанның туристик урыннарына күзәтү ясадык, чыгарылыш сыйныф укучылары белән аралыштык, спорт белән шөгыльләндек, көрәшче абыйлар белән күрештек, психологка бардык, үзебезне кызыксындырган сорауларны бирдек. Кыскасы, әле айның уртасы гына – ә минем тормышымда шулкадәр күп вакыйга булды. Бергә булсак, синең тормышың да күңелле узар. Каһвәң беттеме әллә?! Әйдә, тагын берне ясыйм, журналны да бергәләп укып чыгарбыз)

Чаткы Ялкынлы

Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4768
    2
    93
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2816
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2413
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1846
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1550
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    103
    0
    0