23 сентябрь 2022 яңалыклары

30 сентябрь көнне Г.Кариев исемендәге Казан татар дәүләт яшь тамашачы театры утыз бишенче юбилей театраль сезонын ача. Бу уңайдан тамашачыларга «Яралу» музыкаль-хореографик перформансы һәм узган сезонның премьерасы – «Йосыф» спектакле тәкъдим ителәчәк.

«Татнефть» муниципаль берәмлекләр өчен өчен II грантлар бәйгесе башлануын игълан итә. Ул исә «Татнефть» хәйрия эшчәнлегенең өстенлекле юнәлешләре буенча максатчан программалар кысаларында үткәреләчәк. Бу «Мәгариф», «Сәламәтлек саклау», «Территорияләр үсеше» һәм «Мәдәният» кебек юнәлешләр.

25 сентябрьдә Казанның «Баскет-холл»ында «Казан Кремле кубогы» дип исемләнгән бокс кичәсе узачак. Программада чит илләр, Россия һәм Татарстан Республикасы боксчылары катнашында 9 бой узачак.