Логотип Идель
Бу – тема!

ТУКАЙ ТУРЫНДА КЫЗЫКЛЫ ФАКТЛАР

Алсу КАСЫЙМОВА, 26 апреля 2025 - 09:01
227
0
0
  1. Тукай китаплар җыю белән шөгыльләнгән. Аның бүлмәсе алар белән тулган булган. Ул һәрвакыт бүтәннәр дә китапларны укый алсын өчен ишеген ачык калдыра торган булган. Нәтиҗәдә кайберләрен кире кайтармаганнар, ә шагыйребез вафат булганнан соң, шәхси китапханәсе бөтенләй юкка чыккан.
  2. Габдулла Тукайны җирләгән көнне Казанда матәм көне игълан ителгән. Кибетләр, фабрикалар ябылган, мәктәп, мәдрәсәләрдә дәресләр уздырылмаган.
  3. Шагыйрь 5 телдә иркен сөйләшә алган. Алар – урыс, татар, төрек, гарәп, фарсы телләре.
  4. Аның иҗат җимешләре 40(!) телгә тәрҗемә ителгән.
  5. Тукайның балачагыннан фотосурәтләр юк. 1903 елда 17 яшендә ул беренче тапкыр объектив каршына басарга җөрьәт итә.
  6. Үз язмаларын гәҗит-журналларга тапшырганда, ул тәхәллүсләрен алмаштырып тора торган була. Бүгенге көндә безгә 70кә якыны билгеле. Алар арасында «Догачы», «Каз», «Кырмыска», «Болгар» бар.
  7. Шагыйрь вафатыннан соң Казанда тышлыкларына Тукай сурәте төшерелгән конфетлар, шәм, сабын чыгара башлаганнар. Тукай музеендагы экспонатлар арасында шагыйрь сурәте төшерелгән конфет тышлыгын әле дә күреп була.

Следите за самым важным и интересным в Telegram-каналеТатмедиа

Нет комментариев

Авторизоваться

Белми калма

АШЫЙБЫЗМЫ?

Яңа сан

Эзләү

ВКонтакте

Яңа видеоны күрдеңме?

Тулырак