Татарстан Президенты йөкләмәсе буенча алданган өлешчеләр проблемасы хәл ителә /видео/

Татарстан Президенты Рөстәм Миңнеханов йөкләмәсе буенча, Татарстан Премьер-министры вазифаларын вакытлыча башкаручы Алексей Песошин җитәкчелегендә даими эшли торган хөкүмәт комиссиясе төзелде. Казанда, Чаллыда һәм республиканың башка шәһәрләрендә проблемалы йортлар төзелешен төгәлләү буенча максатчан һәм планлы эш бара.

Казанда Чистай урамындагы 71а йорты төзелеп бетте. "Акварель" торак комплексының 5нче йортында 402 фатир хуҗасы якын арада ачкычларын алачак.
Татарстан Президенты әлеге мәсьәләне даими контрольдә тота. Комиссия һәр йорт бунча җитешсезлекләрне ачыклый һәм финанс чыганагы эзләү белән мәшгуль. Проблемалы йортны "Свей" активларын гамәлгә кертеп төзү бетерү мөмкин булды.

//Татар-информ//