Мәктәпләрдә телефоннарны тыячаклар?

Роспотребнадзор идарәсе Россия мәгариф учреждениеләрендә кәрәзле телефоннарны тыю турында тәкъдим кертергә тели. Бу документ июль дәвамында әзерләнеп бетәргә тиеш.

Идарә башлыгы Анна Попова фикеренчә, мәктәпләрдә телефоннар һичшиксез тыелырга тиеш. Чөнки кыйммәтле телефонның партадан югалу куркынычы бар. Ә моның өчен директорга җавап бирергә туры киләчәк. Әгәр документ яклау тапса, яңа уку елыннан укучылар мәктәпкә телефоннарсыз йөриячәк.