АКТИВ ЯШҮСМЕРЛӘРГӘ ПАТРИОТИК ЛАГЕРЬ

Татарстанның Биектау районындагы «Чайка» лагере икенче ел рәттән «Время юных героев» дигән сменаны кабул итә. Бу – Татарстанның «Воин» үзәгенең хәрби әзерлекнең башлангыч нигезләрен өйрәтү программасының бер өлеше. Программаның максаты – 14 яшьтән 17 яшькә кадәрге яшьләрнең шәхси потенциалын үстерү, аларга хәрби-патриотик тәрбия бирү.

Бу юлы лагерьга республиканың барлык районнарыннан 200 үсмер килде. Сменага балалар бушлай нигездә чакырыла, моның өчен бары тик гариза бирергә кирәк иде. Лагерьдә һәр алан белән профессиональ инструктор да эшли.

Тәҗрибәле инструкторлар курсантларга тактик, ут һәм инженерлык әзерлеге, элемтә оештыру, БПЛА белән идарә итү нигезләренә өйрәтәчәк. Шулай ук яшүсмерләр ашыгыч медицина ярдәме курсын үзләштерәчәк, милли иминлек нигезләре турында беләчәк, хәрби-спорт уеннарында катнашачак.

Курсантларның көндәлек тормышы уку белән генә чикләнми: смена барышында кичке чаралар, уеннар, биюләр һәм башка активлыклар оештырыла. Программа тәмамлангач, курсантларга сертификат тапшырыла.