Логотип Идель
Ашыйбызмы?

13 СЕНТЯБРЬ – ШАРЛОТКА ҺӘМ КӨЗГЕ ПИРОГЛАР КӨНЕ: БӘЙРӘМ УҢАЕННАН ТӘМ-ТОМ ПЕШЕРӘБЕЗ

Көз – бакчалардан мул уңыш җыю сезоны. Бу вакытта хуҗабикәләр якыннарын төрле тәмле ризык, эчемлекләр белән сыйлый: кайнатма, компот, сок, тозлы кыяр-помидор, салатлар Бу исемлеккә шулай ук шарлотка пирогын да кертсәк була!

Сүз уңаеннан, 13 сентябрь – шарлотка һәм көзге пироглар көне. Шунысы кызык, алма шарлоткасын Александр I императорында хезмәт иткән француз пешекчесе Мари Антуан Карем уйлап тапкан дип фаразлыйлар. Бүгенге көндә исә әлеге татлы ризыкны һәркем ашарга һәм пешерергә ярата. Әйдәгез, без дә бәйрәм уңаеннан чәй өстәленә әлеге популяр пирогны әзерлибез?

Шарлотканы пешерү өчен иң элек түбәндәгеләрне хәстәрлик:

4 йомырка;

1,5 стакан он;

1стакан шикәр комы;

1 чәй калагы камыр көпшәкләндергеч (разрыхлитель);

4-5 алма.

Йомырка белән шикәр комын күпергәнче болгатабыз. Аннары он белән көпшәкләндергечне бергә иләп, акрын гына йомыркалы массага салабыз. Камырның яртысын майланган табага агызабыз. Өстенә вакланган алмалар тезәбез. Калган камырны өстенә агызабыз һәм табаны мичкә озатабыз.

Шарлотка якынча 40-45 минут пешә. Чәйләрегез тәмле булсын!

Следите за самым важным и интересным в Telegram-каналеТатмедиа

Нет комментариев