ТАТАРЧА "КВН"НАН ТУРЫ ТРАНСЛЯЦИЯ

"Татар-информ" мәгълүмат агентлыгы "Шаяннар һәм тапкырлар клубы" фестиваленнән туры трансляция уздыра. Трансляция бүген 18.00 сәгатьтә башлана.

Татарча КВН сезоны ачылышында 20 команда - Татарстан, Мәскәү, Башкортстан һәм Казахстан командалары катнашачак.

Казаннан "Татар -Тим", "Кәеф Нифтяк", Актаныштан "Мактаныш", Чаллыдан "Марат" командалары катнашыр дип көтелә. Шулай ук Түбән Кама, Буа, Кукмара, Әлмәт, Алексеевск, Арча җыелма командалары, Мәскәү, Башкортстан татар телендә юморга осталыкта ярышачак. Казахстан яшьләре татар телендә дә, казах телендә дә шаяртыр дип көтелә.

Ярыш Казанның "Ак Барс" яшьләр үзәгендә 18.00 сәгатьтә башлана.

Трансляциянең сылтамасы: http://tatar-inform.tatar/internet-tv/4/

Хәбәр "Татар-информ" агентлыгыннан алынды.