WORLDSKILLS: ТЕГҮЧЕЛӘР ЮГАРЫ НӘТИҖӘЛӘР КҮРСӘТЕРГӘ ӘЗЕРЛӘНӘ

Казан технология һәм дизайн көллиятендә WorldSkills респубика ярышларына әзерлек тулы куәтенә бара. Биредә кемдер булачак күлмәк макетын ясый, кемдер инде аның  шаблоны буенча әзерләгән дә. Гомумән, әлеге көллияттә күз курыкса да, кул эшли девизы белән укыйлар да, эшлиләр дә. Шулай булмыйча, кулың тегүгә ярашлы булмаса, күлмәк түгел, футболка да тегеп булмый бит!

Бүген заказ белән тектерелгән киемнәр популярлаша бара. Димәк, булачак тегүчеләргә дә эш арта дигән сүз. Казан дәүләт технология һәм дизайн көллияте, моны белеп һәм сиземләп, инде 2012 елдан ук WorldSkills ярышларында катнаша башлаган. Нәкъ шул вакытта Россия WorldSkills ярышлары хәрәкәтенә кушыла да инде.

– Кызларның WorldSkills ярышларына әзерлеге бу уку йортына кергәч үк башлана. Без студентларның булган күнекмәләрен тикшерәбез, әлеге ярышлар турында аңлатабыз. Һәм иң сәләтлеләре, бер командага җыелып, әзерләнә башлый. "Мода технологиясе" компетенциясе буенча безнең милли җыелманың элек призлы урын алганы булмаса, быел Европа чемпионатында көмеш медальгә алуга иреште. Ә татарстанлылар әле милли җыелма составына эләкмәде. Әмма быел эләгербез, дип ышанам, – дип аңлата "Мода технологиясе" компетенциясе буенча республика һәм милли җыелмалары тренеры, сертификацияләнгән эксперт Айрат Шәрәфиев.

WorldSkillsның төбәк – республика ярышларында "Мода технологиясе" компетенциясе буенча әлеге юнәлештә белем бирелә торган уку йортларын берешәр катнашучы тәкъдим итә. Кагыйдәсе шундый. Әлегә технология һәм дизайн көллиятендә республика җыелмасы (2 кеше, шуларның берсе быел төбәк ярышларында катнашачак) һәм тагын 2 студент әзерлек уза. Соңгылары –алдагы елларда респубика чемпионатларында катнашачак кызлар. Шулай итеп, студентларны алдан әзерлиләр, чөнки бер елда гына мондый чемпионатка барысын да белеп барып булмый.



"Мода технологиясе" компетенциясе ярышларында катнашучылар 18 сәгать дәвамында 5 төрле бирем эшләргә тиеш. Катнашучыларны бәяләү таләпләре 300 пункттан тора. Алар арасында тизлек, иҗадилык, кием макетын үлчәү буенча билгеләр дә куела. Кызлар коллекцияләр булдыра, тиз тегә, макетлаштыра, кулдан һәм компьютер ярдәмендә лекало (әзер шаблон) ясый белергә тиеш.

– Әлегә Татарстан катнашучылары "Мода технологиясе" компетенциясе буенча халыкара аренага чыкмады. Гомумән алганда, бу компетенция буенча Россия командасы халыкара ярышларда 3 тапкыр катнашты: 2 тапкыр – Европа һәм 1 тапкыр дөнья чемпионатында. Ә быел EuroSkillsта алынган көмеш медаль шөгыльләнү өчен уңай шартлар тудыру, Татарстан экспертларын җәлеп итүгә дә бәйле. Моңа кадәр татарстанлыларга бу юнәлештә әле уңыш елмаймады, бәлки, тәҗрибә дә җитеп бетмәгәндер. Әлеге мәйданчыкта без ярты ел элек кенә эшли башладык. Моңарчы күнекмәләрне Новосибирскта Бразилия, Корея тренерлары белән алып бара идек. Минемчә, безнең барысы да алда. Ләкин, белем һәм күнекмәләрдән кала, катнашучының җиңү теләге бик көчле булырга тиеш. Тренерлары белән элемтәләрен югалткан чакта да, сынмый-сыгылмый үз көченә ышанып, призлы урын яулаган кызлар бар, – ди "Мода технологиясе" компетенциясенең халыкара эксперты Ирина Филичкина.



Моннан 2 ел элек WorldSkills ярышларында үзен сынап караган Хавва Гагиеваның элек республика чемпионатында катнашу тәҗрибәсе булмаган. Хәзер ул шактый белем, күнекмәләр туплап, үз-үзенә ышанычны арттырып, беренче чирканчык алачак. Быел көллиятне тәмамлаган кыз, шушында ук лаборант булып эшли башлаган. Яшь категориясе буенча ул туры килә, шуңа аңа чемпионатта катнашыр өчен чикләүләр юк. Ул хатын-кыз күлмәген конструкторлаштыру һәм тегәргә әзерләнә.

– Әле күптән түгел челтәр чемпионаты узды, шуннан соң республика ярышларына 2 атна кала гына булачак биремнәрне белдек. Челтәр ярышларында иң көчле 5 катнашучы төбәк ярышларына сайлап алына. Алардан иң яхшысы алга таба уза. Әлбәттә, бераз курку да бар. Әмма берникадәр белем булгач һәм үзеңнең нәрсә эшләргә кирәклегеңне белгәч, син, һәрхәлдә, билгесезлектә түгел. Мондый чемпионатта катнашу өчен теләк һәм тырышлык кирәк. Әгәр теләк юк икән, бернинди нәтиҗә дә барып чыкмый, – ди ул.
Быелгы ярышлар 3 модульдән тора. Беренчесе – күлмәк макетын булдыру. Кызлар 2 сәгать эчендә манекенга әзер макетны кидердеп куярга тиеш. Икенче модульдә күлмәкне конструкторлаштыруга (техник рәсем ясарга) – 2 сәгать, аны модельләштерүгә (әзер шаблон ясау) 4 сәгать бирелә. Ә өченче модульдә 10 сәгать эчендә күлмәк тегелеп бетәргә һәм манекенда эленеп торырга тиеш. Иң элек жирәбә рәвешендә кызлар нинди күлмәк, нинди якалы булырга тиешлеген сайлыйлар. Киемнең озынлыгы (бил өлешеннән итәкнең ахырына кадәр) –50 сантиметрдан, җиң 17 сантиметрдан артмаска тиеш.

Айрат Шәрәфиев безгә тагын бер серне ачты: декабрь аенда Kazan Expo күргәзмә үзәгендә югары интеллектуаль цифрлы технологияләргә багышланган DigitalSkills ярышлары узачак. Анда да "Мода технологиясе" компетенциясе буенча ярышлар үткәрелә. Ә биредә инде IT- технология белән дизайн, тегү бергә катыша. Кешене сканер аша уздырып, компьютерда лекало ясап, 3D мохиттә киемне кидертеп караячаклар (виртуаль примерка уздырачаклар). Бу Татарстан, Россиядә генә түгел, дөньядагы беренче тәҗрибә булачак. Нәкъ менә декабрьдә мондый яңа һөнәрнең беренче апробациясен уздырачаклар.

Алинә МИННЕВӘЛИЕВА

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2648
    1
    55
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2100
    1
    26
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1851
    0
    14
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1834
    0
    15
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1741
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    149
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    218
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019