АКЫЛ ТЕШЕ КУРКЫНЫЧМЫ?

Акыл теше. Сүзен ишетүгә үк калтыратып куя, әйеме? Өстәвенә аның турында меңләгән миф йөри. Әйдәгез, бергәләп шуларны ачыклап карыйк әле ;-) Акыл теше чыга башлаганчы, чанаңны җәйдән әзерләп куй.  ???

Акыл теше башкаларыннан күпкә соңрак чыга торган гап-гади тешләр. Алар – рудимент, ягъни бүгенге көндә организмыбызга кирәк түгел.  Ә хәзер мифларга күчик:

1 миф. Акыл теше яшүсмер чакта чыга башлый.

Бу бик үк дөрес түгел: гадәттә, әлеге тешләр 18-25 яшләрдә чыга. Ә кешелекнең 10-15%ында бу тешләр бөтенләй чыкмый ала. Кайберәүләрдә 1-2се чыгып, калганнары  чыкмаска мөмкин. Шуңа күрә норма булып авызда 28–32 теш булуы санала.

2 миф. Акыл теше чыккан вакыттагы авыртуга түзәргә кирәк.

Әлеге тешләр чыкканда һәр кеше диярлек дискомфорт тоя. Тән температурасы 1-2 градуска күтәрелә, казналыклар авырта. Әгәр уртлар (десна) һәм казнылыклар бик нык авыртса, уртлардан кан яки үлек чыкса, яңаклар шешсә, түзеп йөрергә кирәкми. Вакытында табибка мөрәҗәгать итү мәслихәт.

3 миф. Акыл тешен алдырырга кирәк. Чыккан вакытта ук алдырсаң тагын да яхшы.

Акыл теше гадәти тешләрдән берни белән дә аерылмый. Әгәр дөрес итеп чыксалар һәм комачауламасалар, аларны алдырырга кирәкми.

4 миф. Акыл тешен алдыру куркыныч, авыр һәм авыртулы уза.

Бүгенге заманда теш алдыру алай ук куркыныч вакыйга түгел. Аны алдыру күп дигәндә 1-3 минутка сузылачак. Тешне алдырганнан соң ашамаска киңәш ителә. Кайнар эчемлекләр эчәргә, теш алган урынга тел белән кагылырга ярамый. Табиб киңәшләрен вакытында үтәгәндә яра 5-7 көн эчендә төзәлә.

5 миф. Акыл тешен дәвалап тормыйлар, алдыралар гына.

Юк, монысы да дөрес түгел. Бу тешләр кариеска тизрәк бирешүчән , әмма аларны дәваларга мөмкин.

Нәтиҗәләр ясар чак җитте:


- Рудимент булсалар да, акыл тешләре авыртусыз,  дөрес чыккан очракта бернинди дә зыяны юк һәм башка тешләрдән алар әллә ни аерылмый.


- Акыл тешләр чыккан вакытта еш кына авырттырып чыга. Әгәр әлеге авырту көчле булса, температура күтәрелсә, кан һәм үлек чыкса, вакытында табибка мөрәҗәгать итәргә кирәк.


- Акыл тешен алдыру мәҗбүри түгел. Әгәр алар комачауламаса, тияргә кирәкми.


- Тешне алдырырга туры килсә, табиб киңәшләрен үтәү мөһим. Барысын да дөрес эшләгәндә теш урыны тиз төзәләчәк.


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2020 - 14:23
    ВАСЫЯТЬ Бер авыл балалары, араларында бер яшь кенә аерма булган Мәдинә белән Дания, бәләкәйдән җитәкләшеп, бергә уйнап үстеләр. Барлы-юклы уенчыклары белән бүлештеләр. Өч тәрәзәле, бәләкәй генә, җиде җанны сыйдырган кысан өйдә үскән Дания күп вакытын Мәдинәләрнең иркен, якты өендә үткәрә иде. Мәдинәнең әнисе дә, бу ике кызның саф дуслыгына сөенеп, Данияне үз кызыдай якын күрде.      
    2697
    0
    31
  • 12 май 2020 - 15:16
    ҖАНЫҢНЫ БИРСӘҢ ДӘ... Илназы Ходайдан сорап кына алган баласы булды Тәслимәнең.  Ире Хариска чыккач та сигез ел буена балага уза алмады ул. И ул чакта күргәннәре!.. Кайларда гына бармады, кемнәргә генә күренмәде. Багучылар, фал ачучылар, дәвалаучылар калмады. Врачлар турыдан-туры өметеңне өз дигәннәр иде инде.
    2263
    0
    17
  • 15 май 2020 - 14:45
    ЮЛ Яңгыр ява. Ишеп тә, биткә бәреп тә түгел — сибәләп... Салкын пар кебек, тавышсыз-тынсыз гына, әмма үзәкләргә үтәрлек итеп... Бигрәк тә олы юл чатында басып торганда, болай да еларга тулышкан җаныңа дым булып сеңә бу яңгыр...
    1795
    0
    15

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019