ЧАҢГЫГА БАСТЫҢМЫ ӘЛЕ?

Идел буе спорт, физкультура һәм туризм академиясенең Зур концертлар залында Татарстанның спортта югары казанышларга ирешкән шәхесләрен бүләкләү тантанасы гөрли: “Ел спортчысы” дип Яшел Үзән чаңгычысы Андрей Ларьковны игълан итәләр...

Лаеклылар бүләге


Пхенчхандагы Уеннарда ике тапкыр Олимпия призеры булып танылган спортчының мондый исемгә лаек булуына берәү дә гаҗәпләнми. Бүләкне алырга Андрейның сәхнәгә үзе менмәвенә дә аптыраучылар аз. Чаңгы спортында сезонның иң кызган мәле, ләбаса. Андрейның да өенә кайтып кергәне юк.

Чаңгычыларны бүләкләүләр моның белән генә бетми әле: Татарстанның Чаңгы ярышлары һәм биатлон федерациясе – “Иң яхшы федерация”, аның президенты Илшат Фәрдиев – Россия Олимпия комитетының Мактаулы билгесе, ә җыелманың баш тренеры Эдуард Галиев “Спортка хезмәте өчен” билгесенә лаек була. Килешәсеңдер, бүләкләр – лаеклыларга, дустым!

Алдынгылар алдыра


Ә үзеңнең бу кышта чаңгыга басканың бармы соң әле? Чаңгы алырга җай чыкмый, дисеңме?! Белеп торам, мондый җавапны бирүчеләр син генә түгел. Димәк, сез чаңгы спорты алга киткән район яисә шәһәрдә яшәмисез. Шулай булмаса, әллә кайчан үзегездәге чаңгы базасына йөгерер, прокатка чаңгы алып, табигать белән хозурланып кайткан булыр идегез инде.

Моның өчен төбәктә чаңгы спорты алга китү кирәкмени, диярсез. Нәкъ шулай! Республика программасы буенча төзелә торган модульле чаңгы базалары иң беренче чиратта ярыш нәтиҗәләре буенча алдынгы булган районнарда сафка бастырыла. Массакүләм спорт үсештә, чаңгычылар ярышлардан кайтып керми һәм яхшы нәтиҗәләр күрсәтәме – рәхим итегез: чаңгысы, кар машинасы һәм барлык уңайлылыклары булган база сезнеке. Шул рәвешле Татарстанда 2017 елда – 11, 2018 елда 16 база тапшырылды. 2019 елда тагын 12не төзергә ниятлиләр. Алдынгылар алдырды, чират инде, кем әйтмешли, ялкауракларга да җитеп килә. Олимпия медальләре белән генә баш әйләнергә тиеш түгел. Төбәкләрдә чаңгыда шуарга яратучылар өчен дә бөтен шартлар булдыру мөһим. Чаңгы ярышлары һәм биатлон федерациясенең максаты шул юнәлешкә төбәлгән.

“Күрмәгәнне күрдек”


Федерация президенты Илшат Фәрдиев Әлмәттә чаңгы спорты үсеше өчен булдырылган шартлар белән танышканнан соң шундый нәтиҗә ясады. Эшчәнлеккә бәя бирергә, алдынгыларны бүләкләргә дип ел азагында район һәм шәһәр вәкилләре Татарстанның нефть башкаласына җыелуы да гаҗәпләндерми. Биредә СССР, Россия һәм халыкара класслы спорт осталары да тәрбияләнгән. Ике тапкыр Олимпия уеннары җиңүчесе булган Ольга Данилова да Әлмәт чаңгы юллары аша узган. Шәһәр хәзер дә үз маркасын югары тота.

Шәһәр халкының иң яраткан урыны – “Кар бөртеге” чаңгы базасы. Биредә 2017 елда ук (димәк, Әлмәт рейтингның югары баскычында!) модульле база сафка бастырылган инде. Федерация булышлыгы белән чаңгы трассасы да яктыртылган.



Шәһәрдә иң сөендергәне – терәк-хәрәкәт аппараты буенча мөмкинлекләре чикле балаларга чаңгыда шуу өчен булдырылган шартлар. Әнә, ике белем йорты арасында урнашкан стадионда чаңгы-роллер трассасы салынган, ә 2нче лицей территориясендә чаңгы базасы эшләп килә. Бирегә 20 инвалид баладан торган төркем тупланган, спорт кирәк-ярагы һәм киемнәр алынган.

– Бу – мөмкинлекләре чикле балалар өчен шәһәрдә бердәнбер чаңгы базасы. Алар өчен 20 пар махсус чаңгы бар. Балалар шәһәрнең төрле почмагыннан җыела, – ди тренерлары Василий Архипов.

...Яхшы үрнәкләр җитәрлек. Ә син әле һаман да чаңгыга басарга икеләнәсеңме? Кышның гомере кыска ул – ашык!

 
Илшат Фәрдиев, Татарстанның Чаңгы ярышлары һәм биатлон федерациясе президенты:

– Әлмәттә гомергә күрмәгәнне күрсәттеләр. Максат куялар һәм ышанычлы рәвештә җиңүгә юл яралар. Бүген безнең спортчылар гына түгел, чаңгы спортын үстерүдә район һәм шәһәр башлыклары да ярыша. Зур максатларга ирешү өчен, эш дип янып торган, шуңа тормыш юлын багышлаган кешеләр кирәк. Бүген шундый кешеләр белән кулга-кул тотынып эшләү үз нәтиҗәсен бирә.


Фәрит Салихов


Фотолар ski-tatarstan.ru сайтыннан

Нравится
Комментарии (0)
Осталось символов:
Шәп укыла
  • 21 август 2019 - 15:57
    МИНЕМ ЯНГА АТЛАР КИЛДЕ... Бүген таң белән Салпар авылында берсеннән-берсе шомлырак ике хәбәр таралды. Буран котырган бу төндә, ферма стеналарын җимереп, колхозның иң хәлле биш атын урлап киткәннәр. Халидә белән Зәкәриянең кече уллары уеннан кермәгән. Урам очында яшәүче Матур апасында да кунмаган, күршедәге дус малае Рөстәмдә дә табылмаган...
    42
    0
    0
  • 22 август 2019 - 16:22
    УЕН (АНТИХИКӘЯ) – ГАЛИМҖАН ГЫЙЛЬМАНОВ Кафе. Ишектән тәкәббер генә бер чибәркәй килеп керде. Залга үтешли, янәшәдәге өстәл артында моңаеп утыручы егеткә күз сирпеп алды. Әллә исәнләште дә инде?
    28
    0
    0
  • 6 август 2019 - 09:47
    «ЯНЫМДАГЫ КОЯШЫМНЫ ҖИБӘРГӘНМЕН...» – ЗӘРИНӘ ХУҖИНА ***
    Ә гомерләр үтте китте,
    Ә син китмәдең һаман.
    Калбемнең иң тирәнендә
    Күмелеп калдың бер заман.
    Ул көнне әле хәтерлим,
    Түп-түгәрәк ай яна.
    Гитарада уйныйсың син,
    Тыңлатып җырлар яңа.
    Яңа җы...
    18
    0
    0
  • 20 август 2019 - 21:30
    ТУГАН КӨНСЕЗ МАЛАЙ (ГАЛИМҖАН ГЫЙЛЬМАНОВ) Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.
    16
    0
    0
  • 25 июль 2019 - 12:01
    Аш-су блогеры Рәфилә Шәмсетдиновадан рецепт: КАЙМАК ҺӘМ ЧИЯЛЕ ТАРТ! Дуслар! Ә сез ашарга пешерергә яратасызмы? Димәк, безнең яңа рубрика сезнең өчен. Биредә күпләргә таныш блогер, Instagram челтәрендә татарча популяр аш-су блогы алып баручы Рәфилә Шәмсетдинова сезне б...
    14
    0
    0
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    9
    0
    0
  • 12 август 2019 - 11:51
    ХАЛЫКАРА ЯШЬЛЕК КӨНЕ! Яшьлек, гомрең кыска синең, шундый кыска булып тоела... Бүген халыкара яшьлек көне! Кеше гомеренең иң гүзәл, хисләр белән кайнап торган, әкияти матур чагы! Ә яшьлек турында шагыйрьләрдән дә матуррак и...
    8
    0
    0
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019