МИНТИМЕР ШӘЙМИЕВ: “МӘКТӘП ҺӘРЧАК КҮҢЕЛ ТҮРЕНДӘ” /ФОТО, ВИДЕО/

Татарстанның беренче Президенты Минтимер Шәрип улы Шәймиев Җиңү көне алдыннан үзенең күптәнге хыялын тормышка ашырды. Аның сүзләренчә, ул туган авылына кайткан саен мәктәпкә кереп чыгарга ниятләп йөргән, тик моңа кадәр мөмкинлек булмаган. Бүген исә ул Актаныш районы Пучы авылы мәктәбе укучылары белән очрашты.

– Мин мәктәптә укыганда, безнең чорда балалар бик күп булды. Безнең чыгарылышта барлыгы 5 сыйныф иде, –  дип искә алды мәктәп чорын Минтимер Шәймиев. Мәктәпне  тәмамлаганда алтын медальгә ия булмау сәбәбен дә әйтте ул. Чыгарылыш имтиханында аның геометриядән “өч”ле чыккан булган икән. Анысы да чыгарылыш сыйныфы укучысы Минтимер гаебе белән түгел, тикшерүчеләренң карары белән. Шулай булмый ни, математика аның иң яраткан фәне ич!

Минтимер Шәрип улы балалар белән аралашканда бик мөһим сүзләр әйтте. Барлык мөмкинлекләр булганда тырышып укырга гына кирәк, туган ягыңны, туган илеңне яратырга. Ана телен белү – бәхәссез, тик чит телләрне үзләштереп үсәргә кирәк, диде Татарстан Республикасы Дәүләт киңәшчесе үз чыгышында.

[embed]https://youtu.be/jQ97r-nlWlA[/embed]

“Үз мәктәбеңә ярдәм ит” акциясендә Шәймиевлар нәселе актив катнаша. Моны очрашуда катнашкан Татарстан республикасы Мәгариф һәм фән министры Энгель Нәвап улы Фәттахов та аерым билгеләп китте. Пучы мәктәбенә 2015 елда капиталь ремонт ясалган, чыгымнарның  күп өлешен нәкь менә Шәймиевлар гаиләсе үз өстенә алган.

Очрашу вакытында мәктәп укучылар Минтимер Шәймиевне шушы көннәрдә ия булган “Россиянең хезмәт герое”  исеме белән котладылар. Истәлеккә ул мәктәпкә китаплар бүләк итеп калдырды.
Белешмә өчен: Пучы мәктәбендә 184 бала укый, 21 педагог белем бирә. Республика һәм Россия күләмендә уза торган олимпиадаларда укучыларның казанышлары байтак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1136
    0
    7
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    906
    0
    3
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    863
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019