142 ЕЛ РӘТТӘН ЯҢГЫРЫЙ ТОРГАН СҮЗ!

Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә. 1876 елда Филадельфияның бөтендөнья күргәзмәсендә Александр Белл исемле галим халыкка беренче тапкыр үзенең « Күренмәле сүз » дигән аппаратын күрсәтә. Соңыннан әлеге сәер исемле аппарат «телефон» дип йөртелә башлый : грек теленнән « теле » (« ерак ») һәм « фоно » (« тавыш »). Беллның аппараты әлеге күргәзмәдә бик кызыклы очрак аркасында таныла. Бразилия короле дон Педро II телефонны алу белән бүлмәнең икенче ягында торган галимнең тавышын ишетә, гаҗәбеннән аппаратны төшереп җибәреп : « Йә Ходам, ул сөйләшә! » икән дип кычкырып җибәрә. Халыкны, телефонның тавышы бик начар итеп тапшырылуы һәм аның белән 250 метрдан артык сөйләшеп булмавы, артык борчымый. Шуңа күрә, бик озак вакыт үтми, аппарат белән кулланучылар бер-берсенә нинди сүз белән эндәшергә икән дип аптырашта калалар. Александр Белл « Ahoy », яисә « Эй » сүзен тәкъдим итә, әлеге кычкырышны инглиз телле диңгезчеләр корабларны күргәч кулланганнар. Шул вакытта аның хезмәттәше, телефонны камилләштерү өчен күп көч куйган галим, Томас Эдисон үз вариантын әйтә. 1877 елның 15 августа Питтсбург президенты белән телефонның киләчәге турында сөйләшкәндә, ул « Hello » (« Сәлам ») сүзен куллану тәкъдиме белән чыга. Россиядә әлеге сәламләшү « Алло » сүзенә әйләнә. Шулай итеп, хәзерге вакытта дөньяда миллионлап халык телефоннан сөйләшер алдыннан куллана торган « Алло » сүзе барлыкка килә. Ләкин барлык илләр дә « Hello » сүзен кулланмыйлар. Мәсәлән, Японияда аның урынына « Моси-моси » ( «сойләшәм-сөйләшәм »), Грецияда «Паракало» (« сорыйм »), ә Испанияда «Дига » (« сөйләшегез ») дип эндәшәләр икән.



Алсу ГЫЙЛЬМАНОВА

Нравится
Комментарии (0)
Осталось символов:
Шәп укыла
  • 29 октябрь 2019 - 12:48
    ХУШЫГЫЗ, КЕШЕЛӘР! Исәнмесез, кешеләр? Көндәлегемне мондый сүзләр белән башлавыма аптырамагыз. Ни өчен икәнен аңлатып тормыйм. Кызыксынып укый калсагыз, барысына да үзегез төшенерсез. Көндәлегемә «Хушыгыз, кешеләр!» дип исем биргәнем өчен ачуланмагыз, зинһар! Башка исем уйлап таба алмадым.
    7483
    3
    69
  • 23 октябрь 2019 - 19:52
    ТАШЛАНДЫК БАЛА Фәнис беркөн сменалап эшләгән эшеннән чыккач, кибеткә кереп, хатыны кушкан әйберләрне сатып алды да, ашыга-ашыга өенә атлады. Яшәгән йортына җитәрәк, аңа урам аша кемдер исеме белән дәште. Борылып караса, Фәнискә кулын болгый-болгый, ике еллап элек бергә эшләгән Фәһим басып тора.
    5917
    2
    119
  • 24 октябрь 2019 - 15:03
    ЙОЛДЫЗКАЙ ...Мал-туарга кышкылыкка печән әзерләп, утын әзерләп, бакча үстереп, җәй үткәне сизелми дә калды. Ярый, үсеп килүче ике уллары бар ярдәмгә. Әнә беренче кар да төшкәли җиргә... Рифаты, аллабирса, киләсе елга мәктәпне бетерә. Илфатның тагын ике ел укыйсы бар. Заманында гөрләп торган колхоз хуҗалыгы соңгы елларда таркалады.
    4144
    0
    55

Блоглар
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019