ТӨНГӘ КАРШЫ НӘРСӘ АШАРГА ЯРЫЙ?

Йоклар алдыннан ашмаска кушалар. Иң яхшысы – йокларга 3 сәгать кала ашарга, диләр. Әмма ашыйсы килә бит! Нишләргә? Ач карынга йоклап китеп тә булмый бит әле ул... Ашказанына авыр булмасын өчен нинди ризык ашарга ярый соң?

Яшелчәләр

Файдалы да, фигурага да начар тәэсир итми. Тик яшелчә генә ашап утырасы килер микән? Яшелчәдән менә нинди ризыклар әзерләп ашарга була:

– яшелчә салаты;

– яшелчәләрдән рагу;

– ташкабак (кабачки) икрасы.

Иң мөһиме – яшелчәләрне кыздырмаска. Бу рәвешле тамак ялгау әле метаболизмны да яхшыртып җибәрә.

Өстәвенә яшелчәләрдә клетчатка, витаминнар күп, алар иммунитетны яхшырта, ашказаны эшчәнлеген көйли.

Натураль сөт ризыклары

Сөт ризыклары да кич белән ашап алу өчен яхшы вариант. Әмма аларның составында төрле өстәмәләр, буягычлар, шикәр булырга тиеш түгел.

Сөт продуктлары аксымга, кальцийга бай, аксым ашыйсы килү теләген баса, ә кальций сөякләрнең ныклыгы өчен җавап бирә. Ашказына авыр да булмый.

Әле сөт ризыклары составында тынычландыра торган компонентлар да бар. Бу тынычлап йоклап китәргә ярдәм итәчәк.

Балык

Балык составында йод, фосфор күп. Ул җиңел эшкәртелә, кандагы холестерин күләмен киметә. Тик аны кыздырып ашамагыз. Алай иткәндә файдасыннан бигрәк зыяны күп булыр.

Йокларга ятар алдынан киләсе балыкларны ашарга мөмкин:

– тәрәч (треска);

– сайра;

– чуртан (щука);

– судак;

– форель;

– хек.

Кош ите

Тагын бер туклыклы һәм файдалы ризык бар. Ул – күркә яки тавык ите. Аксымлы ризык тиз туенырга ярдәм итә. Әле ул тиз эшкәртелә дә. 1,5 сәгатьтән соң бөтенләй ашмаган да кебек булачак.

Эремчек

Йоклар алдыннан аксымга бай эремчек ашау да файдага гына булыр. Артык май яки, киресенчә, майсызландырылганын алмагыз. Шикәр, күрәгә, йөзем кебек әйберләр салып ашамау хәерле. Ни өчен нәкъ менә аны ашарга киңәш ителә?

– ул инсулин күләмен көйли;

– ашказаны эшчәнлеген яхшырта;

– аның составында протеин бар, ул спортчылар өчен бигрәк тә мөһим.

Йомырка

Йокларга ятканчы 2-3 сәгать кала ашаганда йомыркаларның зыяны юк.  Аның составында файдалы витаминнар, аксым бар. Һәм ул җиңел эшкәртелә.

Диңгез ризыклары

Калорияләре аз, ә аксымының күп булуы аркасында диңгез ризыклары диетик продукт дип  санала.  Кичен ашаганда аларның үзләрен генә ашарга киңәш ителә.

Цитруслылар

Апелсин, мандарин, лимон, грейфрут кебек җиләк-җимешләр ашарга уйласагыз, аларны йокларга ятар алдыннан 3 сәгать кала гына ашарга яраганын онытмагыз. Бары шул очракта гына аларны ашау файдага булачак.

Цитруслылыар С, В витаминнарына, аскорбин кислотасына бай. Аларны еш ашасаң, иммунитет ныгый.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2559
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    712
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    625
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019