ТАТУЛАШУ ХЕЗМӘТЕ НИНДИ БУЛА?

“Мирись, мирись, мирись и больше не дерись – мондый санамышны һәркем хәтерлидер. Тик яшүсмерләр болай ансат кына татулаша алмаска мөмкин. Кайвакыт мондый бәхәс зурга да китә ала.

Тиздән Татарстан Яшьләр министрлыгы каршында “Мәктәптәге татулык хезмәте” республика ведомствоара проекты эшли башлый. Әлеге яңа программа бәхәсле ситуацияләрне хәл итү, хокук бозган яшүсмерләр белән профилактик эш алып баруга юнәлтеләчәк. Әлеге хезмәтнең беренче сессиясе дә узды.

Бәхәсләрне тиз арада һәм нәтиҗәле итеп хәл итәр өчен, психология хезмәте һәм мәктәптәге татулык хезмәте ярдәм итәчәк, дип саный белгечләр. Мәктәптәге мохитнең имин булуы да балаларга психологик яктан булышачак.

Антон Коновалов, “Хөкем-хокук реформасы” Төбәкара иҗтимагый үзәкнең “Мәктәптәге татулык хезмәте” юнәлеше җитәкчесе, профессиональ медиатор һәм белем бирү системасында медитация буенча тренер:

Бәхәсләрнең санын киметеп була, хәтта балаларны бәхәсләрне мөстәкыйль рәвештә чишә алырлык итеп тәрбияләргә мөмкин. Укучылар үзара 100 процент килешәчәк, дип әйтеп булмый. Әмма килеп чыккан ситуациядән чыгу юлын эзләп таба алачак, бер-берсенә юл куярга өйрәнәчәкләр.

Проектның төп бурычларының берсе – мәктәп укучылары арасында формаль һәм формаль булмаган лидерларны ачыклау. Укучыларга бәхәсләрне ничек тудырмаска, аларны ничек хәл итәргә икәнлеген өйрәтәчәкләр. Тагын бер мөһим юнәлеш – үзара татулашу процессына әти-әниләрне җәлеп итү. Бу гаилә институтының ныклыгы өчен дә кирәк.

Шушы чара дәвамында республикабызда “Мәктәптәге татулык хезмәте”н тагын да үстерергә җыеналар. Шулай ук проектта әлегә катнашмаган мәктәп директорлары белән очрашу да уздырырга җыеналар. Аларны да шушы проектка хезмәттәшлек итәргә дәшәргә телиләр.

Вера Герасимова, Татарстан Яшьләр эшләре министрлыгының Психологик ярдәм бүлек башлыгы җитәкчесе:

– Балалар агрессив булып тумый. Аларны шулай итеп мохит, субкультура тәрбияли. Боларның барысы да баланың әле ныгымаган психикасына ята. Балаларны шушы проектка җәлеп итү яшьләр мохитен үзгәртергә, аны тагын да игелеклерәк итәргә булышачак. Шулай ук ул балаларның үзендә бәхәсле ситуацияләрне конструктив рәвештә хәл итеп, аларны булдыра алмый калу сәләтен формалаштырачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2477
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2315
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1962
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019