«НИ ӨЧЕН?»: ТАБИБЛАР

Ни өчен табибларның халаты ак төстә? Ә ни өчен хирурглар операция вакытында зәңгәр яки яшел халат кия? “Ни өчен?” сәхифәсен сагынган дусларыбыз! Игътибар! Бүгенге темабыз - ТАБИБЛАР. Тагын да төгәлрәге – аларның кием төсләре!

Ни өчен табиблар ак халат кия?

Ак халатлар турында сүзләр беренче тапкыр 19 гасырның икенче яртысында йөри башлый. Моңа кадәр табиблар ак халатлар турында уйлап та карамаган. Ә инде киемнәрен пычратмау өчен алар алъяпкычлар кулланган. Катлаулы операцияләр вакытында перчатка кигәннәр. Хәзер без табибларны киемнәреннән танысак, элек аларны йөзгә карап кына таный алганнар.

Ак халатлар кирәклеге турында сүз беренче тапкыр инглизләр авызыннан чыккан. Инглиз табибы Джозеф Листер ак халатның антисептик үзлекләре булуы турында теория уйлап таба.

Узган гасырда (1918 елда) зур эпедемия вакытында табибларга ак халат “кидерелә” башлый.

Сүз уңаеннан, узган гасырда  халатларына карап хирургларның осталыкларын бәяли торган булганнар. Операциянең ни дәрәҗәдә сыйфатлы башкарылуы, мәсәлән, халатта кан тапларының булу-булмавыннан чыгып бәяләнгән.

Ни өчен табибларның халаты нәкъ менә ак төстә соң? Әлеге сорауга азмы-күпме ачыклыкны колориметрия, ягъни төсләр турындагы фән бирә ала. Һәрберебезнең тойганы бардыр: теге яки бу төсне күргәч, безнең кәефебез үзгәрә. Колориметрия мәгълүматларына нигезләнеп, шуны әйтергә мөмкин: ак төс кешене ачык булуга, фикерләрне туплауга көйли.  Ягъни ул авыруларга уңай йогынты ясый. Ак  халатлы кешеләр пациентларда ышаныч тудыра.

Ни өчен хирурглар операция вакытында зәңгәр яки яшел халат кия?

Моның сере бар: әлеге төсләр табибларга яхшырак күрергә ярдәм итә. Ничекме? Хәзер сөйлибез. Операция вакытында хирург һәрдаим канга, ягъни кызыл төскә карарга мәҗбүр. Ә киемендәге зәңгәр яки яшел төскә карап алу табибка ял итеп алырга мөмкинлек бирә. Баш мие бу ике төсне капма-каршы куя.

Әгәр хирург озак вакыт дәвамында кызыл төскә генә карап торса, ул аңа ияләшә. Шуның аркасында кеше организмының нюансларын аеру авырлаша.

Әгәр вакыты-вакыты белән яшел яки зәңгәр төскә карап алса, хирург кызыл төскә сизгерлеген югалтмый.

Кайбер операцияләрнең тәүлек буе да бара алганын исәпкә алсак, табибларның күзләре өчен мондый ял бик мөһим.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 21 сентябрь 2020 - 13:02
    ҮКЕНЕЧ ...«Тагын бабай саташып ята инде!» – дип уйлап куйды Камил, ыңгырашкан тавыш ишеткәч. Компьютерда барган атышлы уенын туктатып торырга мәҗбүр булган малай, өстәл артыннан кузгалмыйча гына, бабасы яткан почмакка таба борылды. «Нәрсә булды инде тагын?! Ник җүләр шикелле акырасың!» – диде ул, ачулы күзләрен кечерәеп калган, бөгәрләнеп яткан картка төбәп.
    1553
    0
    10
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    945
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    792
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019