МӘКТӘПТӘ ТЕЛЕФОННАР ТЫЕЛЫРМЫ?

Мәктәпләргә мобиль җайланмаларны куллануны чикләү мәсьәләсен карарга тәкъдим итәләр. Россиянең Мәгариф министрлыгы, Роспортребнадзор, Рособрнадзор һәм Россия белем бирү академиясе мондый идея белән чыккан.

Түрәләр укучыларга гына түгел, хәтта укытучы һәм әти-әниләргә дә мобиль чаралар куллануны чикләргә тели. Аерым алганда, аларның һәрберсенә, мәктәпкә кергәндә, гаджетларны  тавышсыз режимга куюны мәҗбүриләштерергә телиләр. Укучыларга исә уку процессында гаджет куллануны чикләргә тәкъдим итәләр.

Мәктәпләргә “зарурлык һәм мөмкинлек булганда” дәрес вакытында телефонны куя торган урын булдырырга киңәш биргәннәр. Шулай ук, гадәттән тыш хәл булганда, әти-әни баласы белән ничек элемтәгә чыга алачагы турында да килешеп куярга кушканнар. Гомумбелем бирү йортларына шулай ук телефон куллануның сәламәтлеккә зыяны турында профилактика уздырырга, гаджет куллану культурасы турында сөйләргә кушалар.

Шунысы да бар: чикләүләр сәламәтлеге өчен мобиль чара кирәк булган балаларга кагылырга тиеш түгел. Мисал өчен, кайбер кешегә кандагы глюкоза дәрәҗәсен билгеләү өчен гаджет кирәк булырга мөмкин.

Федераль ведомстволар телефоннарны организмга булган зыянының профилактикасы һәм белем бирү процессының нәтиҗәлелеген арттыру өчен тыярга тәкъдим итә. Бу халыкара тәҗрибә һәм җәмәгать фикере нәтиҗәләренә таянып эшләнелә. Дөнья күләмендәге тәҗрибә шуны күрсәтә: мобиль чараларны гел куллану һәм мәктәптә файдалану психик тайпылыш, гиперактивлылык, йокысызлык, ярсучанлыкка, шулай ук акыл эшчәнлегенең кимүенә, хәтер, игътибар начараюына китерә.

Киләсе елда Роспотребнадзор укучыларның сәламәтлеген мобиль телефонны куллану чикләнгән вакытта тикшерәчәк, ә Рособрнадзор һәм белем бирү академиясе бу белем бирүнең нәтиҗәлелеген арттыруга йогынты ясау-ясамавын билгелиячәк.

Россиядә үткәрелгән сораштыру да шуны күрсәтә: укытучыларның – 90, әти-әниләрнең 89, укучыларның 61 проценты дәресләрдә телефонны чикләү яклы.

Җәмәгатьчелек фикере фонды 53 төбәктә 1500 кеше арасында мондый сораштыру уздырган. Аның нәтиҗәләре буенча россиялеләрнең 65 проценты гаджетлар укуга комачаулый, дип сайлый. 19 проценты балаларга гаджетны мәктәпкә алып килүне бөтенләй тыярга тәкъдим итә. 13 проценты мәктәпкә кергәндә, гаджетларны алырга, өйгә кайтканда гына бирергә тәкъдим итә. 29 проценты проблеманы күпертелгән, дип саный.

4 июль көнне Федерация Советы спикеры Валентина Матвиенко мәктәпләрдә смартфоннарны тыю тәкъдиме белән чыкты. Аның фикеренчә, бу чаралар балаларның укуына комачаулый, уку вакытында аларны кая булса да калдыру урлау мөмкинлеген булдыра.

 

Алинә МИННЕВӘЛИЕВА әзерләде

 

 

 

Тагын укырга:

 

 

 

САУ БУЛ, СМАРТФОН!

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 21 сентябрь 2020 - 13:02
    ҮКЕНЕЧ ...«Тагын бабай саташып ята инде!» – дип уйлап куйды Камил, ыңгырашкан тавыш ишеткәч. Компьютерда барган атышлы уенын туктатып торырга мәҗбүр булган малай, өстәл артыннан кузгалмыйча гына, бабасы яткан почмакка таба борылды. «Нәрсә булды инде тагын?! Ник җүләр шикелле акырасың!» – диде ул, ачулы күзләрен кечерәеп калган, бөгәрләнеп яткан картка төбәп.
    1560
    0
    10
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    956
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    811
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019