МАЙ АЕНДА ҺАВА ТОРЫШЫ НИНДИ БУЛАЧАК?

Апрель ае ахырына якынлаша. Бу айда кояш безгә  елмаерга ашыгып тормады. Дөресен генә әйткәндә изоляция режимы сакланылсын өчен шулай булуы яхшырак та иде кебек. Ә май ае нинди булыр? Җылы көннәр килерме? Яңгыр явармы, әллә коры булырмы?

Россия гидрометеорология үзәге хәбәр итүенчә, май аеның уртача температурасы башка елныкылардан әллә ни аерылмаячак. Явым-төшем күләме дә узган еллардагы кебек булачак.

Май башы

Май башында төннәрен салкын булачак. Әмма көннәр узган саен, температура да югарырак күтәреләчәк, дип фаразлый синоптиклар. Җылылык 5 майда килер, дип көтелә. Аннан май уртасына кадәр җылы, коры һава торышы киләчәк. Температура 13-18 градус булачак. 10-15 май көннәрендә ул хәтта 20-25кә дә җитәргә мөмкин.

Май уртасы

15 майдан соң бераз салкынайту ихтималы бар. Аязучан-болытлы һава торышы, явым-төшем фаразлана. Температура көндез 10-15 градус булыр дип көтелә. Төннәрен кырау төшәргә мөмкин.

Май ахыры

20ләреннән соң яңадан җылы һава торышы киләчәк. Вакыты-вакыты белән яшенле яңгыр явып үтәргә мөмкин. Максималь һава торышы 22-27 градус булыр, дип көтелә. Ай ахырына таба температура янәдән бераз аска төшәчәк: көндез 15-20, төннәрен 8-13 градус булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    798
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    571
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    472
    0
    0

Блоглар