“14...30” ТӘМАМ: НАКАЗ БАР, ЭШЛИСЕ ГЕНӘ КАЛДЫ!

“14...30” тәмамланды. Татарстанның дәүләт яшьләр сәясәте белән кызыксынганнар бу атаманы, һичшиксез, белә. Бер ай сәяхәт иткәннән соң, “14...30” яшьләр автобусы акциясе тәмамланды. Шушы вакыт эчендә республиканың Яшьләр минитсрлыгы вәкилләре Татарстанның һәр районында булып, 14-30 яшьлекләрне борчыган сораулар белән танышты.

Нәтиҗәдә, “14...30” автобусы 3000 чакрым юл үткән, министрлык вәкилләре 300 меңгә якын яшь кеше белән очрашкан.

Шушы көннәрдә «Сосновая роща» паркында (Химиклар мәдәният йорты) “14...30 автобусы” акциясенең финал фестивале узды. Бу чарада “URAM” урам хәрәкәтеннән граффити-остаханә, BMX һәм скейтборд кебек экстремаль спорт төрләре белән танышып булды. Шулай ук “Безнең ишегалды уеннары” чемпионаты кысаларында ярышлар да узды.

Әлбәттә, иң көтелгән мизгел – егет-кызларның Татарстан яшьләр министры Дамир Фәттахов белән очрашуы иде. Бу аңлашыла да: нәкъ шушы акция вакытында түрәгә үзеңне кызыксындырган соравыңны турыдан-туры биреп була. Ә сорау бирүчеләр шактый иде.

Очрашу алдыннан – тикшеренү

Һәр районда очрашу башланыр алдыннан, яшьләр арасында социологик сораштыру да уздырдылар. Аерым алганда, кызлар һәм егетләрдән, нинди массакүләм мәгълүмат чаралары белән кызыксынулары, кайсы блогерларны күзәтеп барулары, кайсы шәхеснең фикере мөһим булуы,  үз районында нинди яшьләр үзәге булуын теләүләре белән кызыксындылар. Яшьләр исә махсус мобиль кушымта ярдәмендә тавыш бирде.

Нәтиҗәләргә килгәндә, алар болайрак:

📌Яшьләр Юрий Дудь, Ольга Бузова, Марьяна Ро, Настя Ивлееваны күзәтеп бара

📌Сәясәтчеләрдән исә Рөстәм Миңнеханов, Алексей Навальный фикерләрен укый

📌ММЧга килгәндә, алар арасында “СТС, “Пятница», “ТНТ, “2x2» каналлары популяр

📌Үзләре яшәгән җирлектә алар заманча, лофт стилендәге яшьләр үзәген күрергә телиләр

Казан яшьләре нинди сораулар бирә?

Татарстан районнарында яшьләр тарафыннан сораулар төрле иде. Тик, гадәттә, алар даими яки вакытлыча эш белән тәэмин итү, буш вакытны уздырыр өчен кафе яки башка урыннар булдыру, яшьләр үзәге эшчәнлеге белән бәйле иде. Казан яшьләренең дә сораулары шактый җыелган.

– Бу безнең өчен җаваплы очрашу, чөнки мондый акция белән генә безнең очрашулар тәмамланмый. Казан да бу очракта исәкрмә түгел. Без яшьләр өчен булган әйберне яшьләрдән башка эшләмәскә, дип килештек. Алар өчен барысы да актуаль һәм аның ихтыяҗы булырга тиеш. Яшьләр үзәкләре, яшүсмер клублары эшләп килә. Тик анда ни өчендер “макраме түгәрәкләре”ннән тыш, медиастудияләр, киберспорт юнәлешендәге түгәрәкләр юк. Бу сораулар безне бик борчый, – ди министр.

Дамир Фәттахов шулай ук Яшьләр министрлыгының өстенлекле юнәлешләренең берсе булып, коммуникация тора, дип саный. Кызганыч, күп кенә районнарның башлыклары яшьләрнең ни белән кызыксынганын, нәрсә караганын белми дә икән.

Профилактика, ташламалы йөрү һәм башкалар

Урта һөнәри белем бирү юнәлеше студенты Дәлилә исә республикада уза торган барлык чаралар турында мәгълүмат яшьләргә вакытында барып ирешми, дип саный. Министр исә аның сүзләре белән килешә. Хәзерге вакытта яшьләр өчен махсус медиа булдыру турында да сүз алып барыла. Ул, үз чиратында, базар икътисады мөнәсәбәтләрендә туарга тиеш. Министрлык аңа кагылышлы идеяләргә һәрвакыт ачык, дип белдерә.

КДМУ аспиранты, “Мәгълүмати гигиена” проекты җитәкчесе Наил Шәрәфетдинов исә яшьләрнең сәламәтлекләре турында кайгырта. Шулай итеп, ул күп кенә авыруларны булдырмый калу өчен, профилактик чаралар , лекцияләр уздырырга тәкъдим итә. Дамир Фәттахов исә моңа җавап итеп, бергә хезмәттәшлек итәргә риза булуын, тик шул ук вакытта мондый проектның ни дәрәҗәдә уңышлы, ихтыяҗлы булуын да белергә, анализларга тели.

Спортка кагылышлы сораулар да шактый яңгырады очрашуда. Шуларның берсе – велосипед спорты белән бәйле иде.

– Без Әлмәтне Россиянең велосипед башкаласы буларак беләбез. Тик Казанда велосипед хәрәкәте үсеш кичерми. Алар өчен махсус юллар тагын кайчан күбәер? дип сорау бирде “Дети Казани” оешмасында торучы Бәхтияр Сафин.

Министр фикеренчә, Казанда велосипед юллары яр буйларында да бар. Әмма аның инфраструктурасы идеаль түгел. Монысы төгәл факт. Моңа игътибар булачак. Ә Казан Башкарма комитетының Яшьләр эшләре комитеты җитәкчесе Айрат Фәизов исә: “Казан шәһәре автомобильләр өчен түгел, халык өчен булырга тиеш. Киләчәктә шәһәрдә кулланыла торган машиналарның санын киметүгә таба эш алып барыла”, – дип тә сөендерде велосипедчыларны.

Яшьләр парламентына кандидат булган 23 яшьлек Луиза Татарстандагы яшьләр үзәкләренә 22-30 яшьлекләр өчен дә урын бирелергә, алар өчен чаралар узарга тиеш, дип саный. Чөнки, чыннан да, гадәттә, мондый үзәкләргә 20 яшьтән дә өлкәнрәкләр йөрми.

Бүген яшүсмер үзәкләре 15.00-19.00 аралыгында эшли. Ә Әлмәт шәһәрендә мондый үзәкләрне 22-30 яшьлекләргә тәкъдим итү буенча инде беренче нәтиҗәләр дә бар. Анда иртәнге якта бу үзәкләрне яшь әниләргә тапшырганнар. Алар бирегә килеп, төрле юнәлештә шөгыльләнә ала икән. Шунысы да бар: 22дән өлкәнрәкләрне укытыр өчен махсус әзерлек узган мөгаллимнәр булуы да кирәклеге аңлашыла. Шул сәбәпле, Яшьләр министрлыгы каршында урнашкан Корпоратив университетның форматын үзгәртәләр. Заман белән бергә атлау өчен яшьләр үзәкләре директорлары да 21нче гасыр таләпләренә, ихтыяҗларына буйсынырга тиеш.

54нче мәктәптә укучы Камил әлеге дә баягы бөтен кешене борчыган мәсьәләне күтәрде. “Мәктәп укучылары өчен җәмәгать транспортында ни өчен ташламалы йөрү юк?” – ди ул. Хәер, бу сорау укучыларны гына түгел, студентларны да бик борчый.

– Әгәр Казандагы бөтен укучыларны һәм студентларны исәпкә алсак, җәмәгать транспортында йөрүне компенсацияләү өчен 1 600 000 сум акча таләп ителә. Шул ук вакытта Татарстан Президенты студентлар өчен булган транспорт грантын ике тапкырга арттырырга (30дан 60 миллионга кадәр) карар кылды. Тик тагын бер мөһим сорау кала бирә: мәктәп укучылары һәм студентлар моңа ни дәрәҗәдә моңа мохтаҗ соң?. Әгәр кеше моңа мохтаҗ түгел икән, бюджеттан мондый акчаларның бүленүе дөрес түгел, ди министр.

Шуңа да бу мәсьәлә буенча министр вуз ректорлары ывуз ректорлары белән очрашып, анализ ясаячак. Ул бу эшне Яңа елга кадәр тәмамларга ниятли.

Фотолар Татарстан Яшьләр эшләре министрлыгыннан алынды

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4748
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2785
    1
    77
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2405
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1835
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1541
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    99
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019