«ЯҢА ПРОФЕССИЯЛӘР АТЛАСЫ»: НИ УЛ?

Бүген популяр булган һөнәрнең иртәгә бөтенләй дә кирәге калмаска мөмкин. Мисал өчен, элек такси чакыртканда, оператор белән сөйләшергә кирәк булса, бүген андый зарурлык юк. Чөнки барысын да гаджеттагы мобиль кушымта аша хәл итеп, машинага заказ биреп була. Мондый адымны беренче тапкыр 2009 елда Uber ширкәте ясады: махсус кушымта чыгарды. Хәзер инде бу яңалык түгел. Хезмәт күрсәтә торган күп кенә такси компанияләренең үз кушымталары бар. Димәк, такси операторы профессиясенең вакытлар узу белән кирәге калмый дигән сүз бу.

2022нче елга кадәр төрле тармаклардагы эштә роботларны куллану 29-42 процентка кадәр артырга мөмкин. Шулай итеп, бөтен дөньяда 75 миллион эшче эш урынын югалтырга мөмкин. Тик моңа өстәп, 133 миллион яңа вакансия дә пәйда булачак. Моның турында 2018 елда Давостагы Бөтендөнья икътисад форумында әйтелгән.

Көн саен үзгәреп торган дөньяга әзер булып торыр өчен киләчәк профессияләрендә ориентлашырга булышкан “Яңа профессияләр атласы” дигән инструмент белән танышу артык булмас.

 “Яңа профессияләр атласы” (http://atlas100.ru/ ) – “Сколково” инновация үзәге һәм Стратегик инициативалар агентлыгы тарафыннан булдырылган проект. 2010 елда әлеге проектны эшләүдә икътисадның төрле өлкәләреннән 4000 эксперт катнашкан.

“Яңа профессияләр атласы”ның төп максаты – 2020 елдан соң Россия базарына нинди кадрлар таләп ителүен аңлау. “Атлас” сайтында соңгы вакытларда ихтыяҗ булган профессиональ күнекмәләр, эш белән потенциаль тәэмин итүчеләр, үзгәрешләргә әзер торырга булышачак уку йортлары турында мәгълүмат табып була. 2014 елдан башлап, проектның басма варианты да бар.

Әлеге сайтта берничә юнәлештә белем алып була:

1. Тиздән яңа профессияләргә ихтыяҗы булачак икътисадның 25 тармагы

2. Якын арада пәйда булачак 200 профессия

3. Тиздән бөтенләй юкка чыгу ихтималы булган 60 профессия.

Әлбәттә, “Яңа профессияләр атласы” – киләчәк профессияләре дөньясына ориентир гына. Чөнки хезмәт базарының ничек үзгәрәчәген, кайсы профессияләрнең кирәк булмаячагын алдан фаразлап булмый. Шуңа инде бүгеннән үк киләчәктә кирәк булачак күнекмәләрне һәм сыйфатларны үстерергә кирәк.

Шуны да әйтергә кирәк: киләчәктә кирәк булачак профессияләрнең универсаль исемлеген төзеп булмый. Чөнки төрле илләрдә инновацияләр төрлечә кертелә. Шулай ук кануннар базасы да төрле. Ә “Яңа профессияләр атласы” – Россия халкына юнәлтелгән инструмент.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    3800
    0
    75
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3432
    0
    31
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3232
    0
    32

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019